Leyfi veitt fyrir byggingu risamosku í Helsingborg – Svíþjóðardemókratar ásakaðir um „íslamafóbíu”

Íslamavæðing Svíþjóðar heldur áfram á fullri ferð og moskurnar rísa um allt land. Nýjasta dæmið er sala 10.000 fermetra lóðar til nýrrar risamosku í Helsingborg og voru Svíþjóðardemókratar eini flokkurinn sem lagðist gegn byggingu moskunnar. „Við munum byggja mikla byggingu, þrisvar sinnum stærri en núverandi moska okkar er” segir Walid Hams forystumaður Al-Sunnah safnaðarins í Helsingborg.

Móderatar í bæjarstjórn sökuðu Svíþjóðardemókrata fyrir að þjást af „íslamafóbíu” og var tillaga Svíþjóðardemókrata um að láta íbúa Helsingborg útkljá málið í atkvæðagreiðslu snarfelld af öðrum flokkum í bæjarstjórn.

Fá ekki að banna slæður stúlkubarna í skólum

Það hefur vakið athygli að tvö sveitarfélög á Skáni í Svíþjóð, Skurup og Staffanstorp sem bönnuðu slæður á stúlkubörnum í skólunum var meinað að banna slæðurnar því það brjóti m.a. gegn Evrópusáttmálanum. Einnig er trúfrelsi tryggt í stjórnarskrá Svíþjóðar og sagt að sveitarfélögin hefðu með slæðubanninu „alvarlega íhlutast í sjórnskrárvarið trúfrelsi.”

Fulltrúar sveitarfélaganna segjast munu kæra málið þar sem Evrópudómstóllinn hefur í fjölda mála dæmt slæðubanni í vil. Henrik Hedman hjá dómstólnum sem ógilti slæðubann sveitarfélaganna segir að „dómar Evrópudómstólsins hafa gilt fyrir önnur lönd, þar sem slík bönn eru talin eðlileg en það gildir ekki fyrir Svíþjóð.”

„Svíþjóð má ekki verða kalífat”

Tobias Andersson þingmaður Svíþjóðardemókrata segir á myndbandinu hér að neðan að „Þrátt fyrir að Móderatar og Kristdemókratar segjast reglubundið á félagsmiðlum að þeir munu taka afstöðu gegn íslamavæðingu Svíþjóðar og fullyrða að ekki eigi að nota opinbert fé til að fjármagna íslamavæðinguna, þá er augljóst að þeim hefur mistekist. Augljóslega hafa Móderatar og Kristdemókratar ekki það sem þarf til að stöðva íslamavæðinguna í Svíþjóð en hjá Svíþjóðardemókrötum höldum við áfram að gera okkar besta til að koma í veg fyrir að Svíþjóð verði kalífat (íslamskt ríki).”

Tóbías Andersson þingmaður Svíþjóðardemókrata vill ekki að fósturjörðunni verði breytt í íslamskt ríki

Athugasemdir

athugasemdir

Deila