Nýlega lýsti ESB yfir neyðarlögum um alla Evrópu, þ.á.m.á Íslandi og á að þvinga aðildarríkin að greiða yfir 13 þúsund milljarða króna til að skapa „fyrsta hlutlausa loftslagsbeltið í heiminum.“ Pólverjar eru ósammála og fengu undanþágu.
Vísindamenn eru ósammála um hvort mannskepnan hafi áhrif á loftslagið eða ekki. T.d. birtu finnsku vísindamennirnir Jyrki Kauppinen og Pekka Malmi frá háskólanum í Åbo skýrslu, þar sem þeir segja að aðferðafræði SÞ og IPCC sé röng vegna þess að ekki sé reiknað með áhrifum skýja á hitafar: „Þessi módel sýna þess vegna litlar hitafarsbreytingar og þá fá gróðurhúsalofttegundur yfirdrifið vægi með miklum breytingum.“
Fyrir Íslendinga eru heimatökin hæg því nærliggjandi sannanir sýna að Ísland var eitt sinn vaxið suðrænum laufskógi og blómstrandi pálmatrjám. Snorri Magnússon formaður Landssambands lögreglumanna, segir frá því á Facebook, að hann hafi heimsótt norðurslóðasetur Arngríms Jóhannssonar fyrr á árinu og vakti athygli hans „að sjá steingerðar leifar pálmatrjálaufblaða á safninu. Steingervinga sem sóttir voru upp í Glerárdal á Akureyri…. Ísland hefur sjaldan – ef nokkurn tíma – verið álitið hitabeltisland, hvar pálmatré hafa vaxið.“
Snorri vitnar í skýrslu Umhverfisstofnunar þar sem talað er um suðræna laufskóga á Íslandi: „Berglög í Glerárdal og í kringum Akureyri eru talin vera 9-10 milljón ára gömul, mynduð á tertíer, seinni hluta míósentíma. Veðurfar var þá mun hlýrra og talið er að þá hafi vaxið suðrænir laufskógar um landið.“ (2.2.1. Jarðminjar)
Snorri segist ekki sjá að mannskepnan með öllum sínum bílum „hafi nokkuð haft með hitastig veraldarinnar þess tíma að gera, þegar hér uxu pálmatré.“
Vonandi minnka hamfarahlaup dómsdagsfjölmiðla og loftslagsvámanna við þessar upplýsingar.
