Lögregla segist ekki hafa haft í hótunum við rekstraraðila í miðbænum

Lögreglan á höfuðborgarsvæðinu hefur sent frá sér yfirlýsingu vegna fréttar Morgunblaðsins og mbl.is þar sem segir að lögregla hafi átt það til að koma inn á veitingastaði rétt fyrir lokun og hóta fólki sektum vegna brota á sóttvörnum yfirgæfi það ekki staðinn á slaginu tíu. Í yfirlýsingu lögreglu segir að fréttin eigi ekki við rök að styðjast

við eftirlit í miðborginni vinnur lögregla samkvæmt túlkun heilbrigðisráðuneytisins á reglugerð um takmörkun á samkomum vegna farsóttar og þar, sem annars staðar, hefur lögreglan beitt meðalhófi. Lögreglumenn hafa einnig lagt sig fram um að leiðbeina veitingamönnum um það sem betur má fara, séu ástæður til þess. Ábendingunum hefur verið vel tekið og samskiptin verið með ágætum” segir í tilkynningu lögreglu.

Þá segir jafnframt í tilkynningunni ” vegna fréttarinnar er enn fremur ástæða til að ítreka að opnunartími veitingastaða þar sem heimilaðar eru áfengisveitingar skv. 1. mgr. 5. gr. reglugerðarinnar sé til klukkan 22 en þá eiga staðirnir að vera tómir, enda sé þessum stöðum ekki heimilt að hleypa inn nýjum viðskiptavinum eftir kl. 21. Þá skal „take away“ þjónusta fara fram í gegnum lúgu eða hurð eftir kl. 21 en slík þjónusta er heimil til kl. 23 samkvæmt reglugerðinni

Athugasemdir

athugasemdir

Deila