Á 18 mánuðum hafa lyfjafyrirtækin dregið inn 96 milljarða dollara á Covid bóluefnum, samkvæmt SvD Näringsliv. Ýmsir læknar kalla „bóluefnið“ gegn Covid-19 „hættulegasta lyf allra tíma.“
Heimsfaraldurinn mokaði skattafé þjóða í hirslur lyfjarisanna
Í upphafi var því haldið fram úr ýmsum áttum, að lyfið gæti komið í veg fyrir bæði dauða, alvarleg veikindi og smit. Rochelle Walensky, forstjóri CDC,sagði til dæmis í viðtali við MSNBC í mars 2021:
„Við getum næstum séð endalokin. Við bólusetjum eins fljótt og auðið er. Gögn okkar benda til þess að bólusett fólk beri ekki veiruna, veikist ekki. Ekki bara í klínísku rannsóknunum heldur í gögnum frá hinum raunverulega heimi.“
En útkoman varð á annan veg. Í Svíþjóð hafa um 9 af hverjum 10 þeirra sem veikjast eða deyja af covid-19 verið bólusettir. 100 % þeirra, sem voru skráðir á gjörgæslu viku 36 með covid samkvæmt nýjustu skýrslu Lýðheilsustöðvar voru „bólusettir.“
En bóluefnin hafa verið frábær fyrir lyfjarisana og skilað „gífurlegum“ upphæðum eins og Svenska Dagbladet orðar það. Samkvæmt blaðinu hafa Pfizer/Biontech, Moderna, Astra Zeneca og Johnson & Johnson haft tekjur upp á 96,1 milljarða dala fyrir covid bóluefnið árið 2021 og fyrri hluta ársins 2022. Bara á 18 mánuðum.
Sænska Dagblaðið fór yfir uppgjör og ársfjórðungsskýrslur lyfjarisanna
Það nemur um 1.000 milljörðum sænskra króna sem samsvarar 13-14 billjónum íslenskra króna. Þetta hefur Svd staðfest með því að fara yfir uppgjör og ársfjórðungsskýrslur fyrirtækjanna. Pfizer hefur dregið inn mest af öllum: 58,9 milljarða dollara. Moderna, sem einnig er bandarískt lyfjafyrirtæki, er í öðru sæti með tekjur upp á 28,2 milljarða dollara. Astra Zeneca er í þriðja sæti með verulega lægri tekjur upp á 5,6 milljarða dollara. David Evans, lyfjafræðingur hjá Swedbank, segir við SvD:
„Bandarísku fyrirtækin hafa grætt stærsta hluta teknanna á bóluefnunum.“
Covid bóluefnin standa fyrir stærstum hluta heildartekna fyrirtækjanna, sem námu 141,3 milljörðum dala. Heildartekjur Pfizer/Biontech voru 39,8 milljarðar dala, Moderna 18,1 milljarðar dala, Astra Zeneca 0,8 milljarðar dala og Johnson & Johnson/Janssen 30,9 milljarðar dala.
