Matvæla- og lyfjastofnun Bandaríkjanna FDA hefur farið þess á leit við alríkisdómara, að beðið verði til ársins 2076, með að opinbera öll gögn og upplýsingar, sem stofnunin studdist við, þegar hún veitti leyfi fyrir bóluefni Pfeizers. Stofnunin vill fá 55 ár eða nægjanlega langan tíma til þess að margir þeirra, sem gætu átt rétt á fjárkröfum vegna aukaverkana af bóluefninu hafi dáið áður en gögnin verða opinber.
Eftir að FDA lofaði „fullkomnu gegnsæi“ í ágúst varðandi leyfisveitingu á Covid-19 bóluefni Pfizers, þá hefur fjöldi háskólamanna, prófessora og vísindamanna beðið um að fá að sjá gögn um bóluefnið, sem Pfizer lét FDA í té fyrir leyfinu. En Lyfjastofnunin hefur ekki látið eina einustu blaðsíðu frá sér enn sem komið er. Í september var stofnunin kærð og þess krafist að upplýsingarnar fengjust.
En í staðinn fyrir að birta gögnin, þá hefur FDA snúið sér til alríkisdómara og farið fram á leyfi til að halda gögnunum leyndum fram til ársins 2076. Samtals er um að ræða 326 þúsund blaðsíður, sem Pfizer lét Lyfjastofnunina fá fyrir leyfisveitinguna.
Í beiðni FDA til alríkisdómarans fer FDA fram á að í staðinn fyrir að gera allar síðurnar aðgengilegar, þá geri stofnunin einungis 500 síður aðgengilegar í hverjum mánuði. Það þýðir að það mun taka heil 55 ár, þar til öll gögnin verða opinberlega aðgengileg.
Undanþegnir ábyrgð
Það tók Pfizer 108 daga frá því að Pfizer hóf leyfisumsókn sína í Bandaríkjunum 7. maí 2021, þar til FDA samþykkti bóluefnið 23. ágúst. Skv. FDA fór fram grundvallarleg og fullkomin skilgreining á öllum gögnum til að ganga úr skugga um, að bóluefnið væri öruggt og virkt.
Þrátt fyrir að Lyfjastofnunin hafi framkvæmt hina fullkomnu rannsókn á aðeins 108 dögum, þá þarf hún núna 20 þúsund daga til að gera gögnin aðgengileg opinberlega.
FDA hefur undanþegið Pfizer allri ábyrgð, greitt fyrirtækinu marga milljarða dollara, verið virkt í því að fá almenning til að bólusetja sig en neitar á sama tíma að upplýsa almenning um á hvaða grundvelli ákvörðunin um öryggi og virkni bóluefnisins er tekin.
Veitti rangar upplýsingar um fjölda látinna í klínískum rannsóknum
28. júlí birtu Pfizer og samstarfsaðilinn BioNTech sex mánaða skýrslu um klínískar rannsóknir og sú skýrsla leiddi til þess að lyfjaeftirlit út um allan heim viðurkenndu bóluefnið.
Fyrirtækið hélt því fram þá, að 15 af þeim u.þ.b. 22 þúsund einstaklingum sem fengu bóluefnið í tilraunaskyni hefðu dáið og bar það saman við þá 14 einstaklinga, sem dóu af 22 þúsund einstaklingum sem fengu saltupplausn án bóluefnis. Síðar kom í ljós, að þessar upplýsingar voru rangar.
Pfizer birti þessar upplýsingar opinberlega en lét FDA á sama tíma fá aðrar upplýsingar. Í skjalinu „Samantekt fyrir ákvörðun um reglur“ kemur í ljós að 38 manns misstu lífið í tilraununum og af þeim höfðu 21 fengið bóluefnið eða sex fleiri en Pfizer hélt opinberlega fram. Það voru einnig 17 – ekki 14, sem dóu eftir salvatnsupplausnina.
Samkvæmt tölum Smitsjúkdómavarnarstofnunarinnar CDC og FDA sem birt er á VAERS, hafa fleiri en 12 þúsund manns dáið af völdum aukaverkana covid-bóluefnis Pfizers. Talið er að raunverulegar tölur séu langtum hærri, því allir tilkynna ekki um andlát í kjölfar bólusetninga til VAERS.
12. nóvember 2021 höfðu 1.742.488 aukaverkanir allra covid-bóluefna verið tilkynntar til VAERS og 18.853 andlát af völdum bóluefna. 84.537 einstaklingar voru með alvarlega aukaverkanir eftir bólusetningar gegn covid.
29. október samþykkti FDA covid bóluefni Pfizers fyrir börn frá 5 ára aldri.
