Stoðdeild ríkislögreglustjóra sendi frá sér tilkynningu í gærkvöld þar sem formlega er lýst eftir egypsku fjölskyldunni sem vísa átti úr landi í síðustu viku. Í tilkynningu lögreglu segir:
Stoðdeild ríkislögreglustjóra óskar eftir upplýsingum um ferðir og dvalarstað Ibrahim Mahrous Ibrahim Khedr og Doaa Mohamed Mohamed Eldeib og fjórum börnum þeirra.
Til stóð að stoðdeild myndi fylgja fjölskyldunni úr landi þann 16. september síðastliðinn eftir úrskurð Útlendingastofnunar um frávísun frá Íslandi.
Þeir sem geta gefið upplýsingar um ferðir fjölskyldunnar eða vita hvar hún er niðurkomin eru beðnir um að hafa samband í gegnum netfangið stoddeild@logreglan.is.