Magdalena Andersson og Sauli Niinistö verðlaunuð af glóbalistunum fyrir að koma með Svíþjóð og Finnland í Nató

Verðlaunuð fyrir góð störf í þágu glóbalismans. Hugveitan Atlantic Council veitir árlega verðlaun glóbalista til bestu heimsborgaranna og í ár fengu fv. forsætisráðherra Svíþjóðar Magdalena Andersson t.v. og Sauli Niinistö forseti Finnlands t.h. verðlaunin fyrir að koma löndum sínum í Nató án þess að spyrja landsmenn sína.

Glóbalistarnir hylla Magdalenu Andersson og Sauli Niinisto fyrir að taka lönd sín til Nató

Fyrrverandi forsætisráðherra Svíþjóðar, Magdalena Andersson og Sauli Niinistö forseti Finnlands fá „Global Citizen Awards Atlantic Council“ í ár. Eru þau verðlaunuð fyrir störf sín að fá Svíþjóð og Finnland inn í NATO.

Atlantshafsráðið lýsir sér sem sjálfstæðri hugveitu og hefur mikil áhrif á utanríkisstefnu Bandaríkjanna. Ráðið skrifar í rökstuðningi sínum, að söguleg ákvörðun Svíþjóðar og Finnlands um að sækja um aðild að NATO „stuðli að öryggi og getu bandalagsins sem og aukinni einingu yfir Atlantshafið.“

Verðlaunaafhendingin fór fram í tengslum við fund allsherjarþings Sameinuðu þjóðanna í New York á mánudag. Anniken Huitfeldt utanríkisráðherra Noregs afhenti Magdalenu Andersson fv. forsætisráðherra og Sauli Niinistö Finnlandsforseta verðlaunin, en Ann Linde fv. utanríkisráðherra og Pekka Haavisto utanríkisráðherra Finnlands mættu á staðinn og tóku við verðlaununum fyrir hönd verðlaunahafanna.

Verðlaunin eru veitt á hverju ári til fólks sem hefur unnið að „aukinni samvinnu yfir Atlantshafið“ sem, að sögn ríkisstjórnarinnar, gegna mikilvægu hlutverki til að auka frelsi, frið og velmegun allra íbúa Evrópu og Norður-Ameríku. Útvarp Saga skrifaði um afstöðu hugveitunnar og hvatningu til ríkisstjórnar Bidens fyrr á árinu að fara samtímis í kjarnorkustríð við Rússland og Kína. Greinilega verður ekki lengur barist til síðasta Úkraínumanns heldur til síðasta Finna og Svía eftir að löndin verða aðilar Atlantshafsbandalagsins:

„Washington ásamt bandamönnum á að þróa varnarstefnu, sem getur hindrað og ef nauðsyn krefur sigrað Rússland og Kína samtímis.“

Hér að neðan má sjá myndband af verðlaunaafhendingunni, þar sem bæði Klaus Schwabb og Justin Trudeau voru ræðumenn:

Deila