Málfrelsið hefur verið tekið úr sambandi á Vesturlöndum og fjölmiðlar fara eftir fyrirfram ákveðnu handriti eins og best sést hér á landi á því að RÚV taki við samræmdum fréttum stóru miðlanna frá útlöndum til birtingar eins og EBU hefur staðfest. Þetta var meðal þess sem fram kom í máli Halls Hallssonar blaðamanns og sagnfræðings í Fréttum vikunnar í dag en hann var gestur Arnþrúðar Karlsdóttur í dag, á degi blaðamanna.
Í þættinum ræddu Arnþrúður og Hallur um blaðamennskiu og þá þróun og áskoranir sem blaðamenn hafa staðið frammi fyrir og ekki síst þau öfl sem hafa reynt og í einhverjum tilvikum náð að hafa áhrif á fréttaflutning fjölmiðla.
Hallur bendir á að blaðamennska standi illa á Íslandi, flestir fjölmiðlar bergmáli handritsstýrðar fréttir frá stórum miðlum í útlöndum, miðlum sem eru meira og minna í eigu sömu aðila í þágu afla eins og glóbalistum og þjóni þar með þörfum þessara afla og nú sé svo komið að nokkrir blaðamenn séu með stöðu sakborninga eftir að eitrað hafi verið fyrir manni, síma hans stolið og gögn úr honum birt úr fjölmiðlum.
Þjónar því að koma á einni heimsstjórn
Þetta allt þjóni meðal annars þeim tilgangi að koma á einni heimsstjórn sem unnið hefur verið að leynt og ljóst að undanförnu, þessi öfl telji einmitt rétta augnablikið vera nú í kjölfar Covid að koma þessari heimsstjórn á.
Hvað RÚV varðar og þann taum sem ríkisstofnunin dregur þarf útskýringa við, til dæmis hver hafi ákveðið að framselja ritstjórnarvaldið til útlanda.
„var það Stefán Eiríksson útvarpsstjóri eða Rakel sem nú er reyndar hætt störfum fyrir stofnunina eða hver var það?, því þarf að svara og líka hvers vegna þetta var gert, þetta þarf þjóðin að fá að vita“ segir Hallur.
Hann segir það mjög lýsandi fyrir stöðuna að í dag 1.apríl á degi blaðamanna að þá séu fjölmiðlar með opið hús, einmitt á þeim degi sem tileinkaður er góðlátlegum falsfréttum
„á degi blaðamanna er opið hús og þá er einmitt 1.apríl dagur falsfréttana, þetta er lýsandi, þetta er eitt stórt gabb“ segir Hallur.
Hlusta má hlusta á þáttinn í spilaranum hér að neðan
