Meirihluti Bandaríkjamanna telja að Biden hafi ráðist á MAGA-hreyfinguna í ræðu til að koma af stað illdeilum

Ný skoðanakönnun sýnir, að meirihluti Bandaríkjamanna telur að hræðileg, óbandarísk, árásarræða Biden forseta á stjórnmálaandstæðinga sína í MAGA-hreyfingunni, hafi verið ætlað að koma af stað illdeilum.

Umgjörðin magnaði neikvæð áhrif lélegustu ræðu sem nokkur Bandaríkjaforseti hefur haldið

Þetta ætti ekki að koma mjög á óvart. Allir sem fylgdust með ræðunni sáu hversu hatursfull hún var og smásmuguleg, hefnigjörn og hreinlega pólitísk. Sú staðreynd að hann flutti ræðuna baðaður í vítisbjarma rauðra ljósa með landgönguliða fyrir aftan sig, gerðu áhrifin frekar ógnvekjandi. Post Millenial segir frá:

„Ný skoðanakönnun hefur leitt í ljós að meirihluti Bandaríkjamanna segir, að ræða Bidens haldin á besta tíma í síðustu viku í Fíladelfíu með blóðrauðan bakgrunn, hafi verið „hótun gegn þessu landi, hættuleg stigmögnun og hönnuð til að hvetja til átaka.”

„Í skoðanakönnuninni, sem gerð var af Trafalgar Group, kom í ljós að 56,8 % almennra kjósenda sögðu ræðu Bidens, „ýta undir hættulega stigmögnun slæms orðbragðs og leiða til illdeilna meðal Bandaríkjamanna” en í ræðunni kallaði Biden repúbllikana MAGA – hreyfingarinnar öfgasinna.“

Biden sundrar Bandaríkjunum enn frekar með taumlausu hatri og fasískum aðgerðum gegn stjórnmálaandstæðingum

35,5 % Bandaríkjamanna sögðu ræðuna vera „viðunandi skilaboð í kosningabaráttunni eins og búast má við á kosningaári. Miðað við stjórnmálaflokka voru demókratar líklegri til að líta á ræðuna sem „viðunandi“ á meðan repúblikanar og óháðir sögðu ræðuna vera „hættulega stigmögnun.“

70,8 % demókrata sögðu að ræðan væri „viðunandi skilaboð í kosningabaráttunni“ en 18,7 % sögðu ræðuna „hannaða til að hvetja til átaka.“

Mikill meirihluti repúblikana, 89,1 %, sögðu ræðu Bidens „standa fyrir hættulegri stigmögnun“ en aðeins 4,7 % sögðu ræðuna „viðunandi“ og 6,2 % sögðust ekki vera viss.

62,4 % óháðra kjósenda sögðu að ræðan væri „hættuleg stigmögnun“ en 31,2 % sögðu hana „viðunandi.“

Það virðist nokkuð augljóst, að Biden var að reyna að vera ögrandi. Þetta var ein versta ræða sem nokkur Bandaríkjaforseti hefur haldið. Séð í ljósi njósna og árása netrisa og FBI á gagnrýnendur ríkisstjórnarinnar lýðræðislega kjörna embættismenn t.d. fyrrverandi forseta Donald Trump er nokkuð ljóst, að Biden hefur tekið stóran sveig frá lýðræðislegum stjórnarháttum.

Deila