Mercola I: „COVID heimsfaraldurinn er valdarán, alþjóðleg yfirtaka samkvæmt Endurræsingunni miklu“

Það er orðið algerlega mikilvægt að skilja, hvað það er sem við erum að berjast gegn á heimsvísu og hverjir bera ábyrgð á vaxandi alræði og endanlegum ásetningi þeirra. COVID-faraldurinn var valdarán tæknikrata, sem eru að baki þeirrar alþjóðlegu yfirtökuáætlun, sem nefnd hefur verið Endurræsingin mikla „The Great Reset.“

Grein Dr. Joseph Mercola um valdarán tæknikratanna í heiminum í dag – fyrsti hluti af þremur

Dr. Joseph Mercola skrifar um málið í viðamikilli grein, sem Útvarp Saga birtir í þremur hlutum. Þetta er fyrsti hlutinn og hinir tveir koma fljótlega.

Hér má sjá kafla 2

Hér má sjá kafla 3

Endurræsingin mikla var kynnt af World Economic Forum, sem er nátengd Sameinuðu þjóðunum og Alþjóðaheilbrigðismálastofnuninni. Áætlunin er að innleiða alþjóðlega tegund alræðishyggju, sem byggir á tæknikratískri og transhúmanískri hugmyndafræði. Hluti af þeirri áætlun felur einnig í sér endursköpun og stjórn á öllum lífsformum, – einnig mannfólkinu sjálfu.

Þótt ytra birtingarform tæknikratíunnar sé alræði, þá er miðstöð stjórnarinnar ekki einstaklingur. Frekar en einn einstaklingur, sem ræður ríkjum samkvæmt tilskipuninni, þá treystir tæknikratían á stjórn með tækni og reikniritum. Þetta er mjög mikilvægur munur. Í stuttu máli verður ekki hægt að kenna neinum einstaklingum um eða draga til ábyrgðar. „Einræðisherrann“ er algóriðmi.

Tæknikratían er búin til og er óeðlilegt efnahagskerfi í alræðisformi, sem krefst félagslegrar samvinnu til að virka. Teknókratar skilgreindu teknókratíu í fortíðinni sem vísindi samfélagsaðgerða. Lykilatriðið er að ná stjórn á almenningi til þess að kerfið virki.

Patrick Wood hefur eytt áratugum í að rannsaka tæknikratíu – hið tilbúna efnahagskerfi sem glóbalistarnir reyna núna að koma á fót um allan heim. Hann var nýlega í viðtali í fréttabréfi Heilsuverndar barna „The Defender.“ Þú finnur það viðtal hér að neðan og ég hvet þig reyndar til að horfa á það fyrst, því það gefur mjög góðan bakgrunn um Wood og verk hans.

Þetta samtal tengist líka viðtali, sem ég átti nýlega við prófessor Mattias Desmet, höfund Sálfræði alræðisstefnunnar „The Psychology of Totalitarianism“ sem gefin verður út eftir nokkrar vikur, svo fylgstu líka með því. Þó að tæknikratía og alræði séu um margt líkt, þá er nokkur munur á sjónarmiðum, sem við munum reifa hér.

Wood segir:

„Ég vildi að það væri eitthvað annað að tala um, en svona er það. Þetta er umræðuefni dagsins. Það þarf fólk að vita og skilja.“

„Ef við ætlum að berjast á móti þessum óvini, sem áður hefur nánast verið óséður, verðum við að skilja við hvern við er að eiga. Púnktur. Við getum ekki veitt neina vörn eða sótt fram til að ýta þessu til baka nema að við vitum, hver óvinurinn raunverulega er og hvað þeir eru að hugsa, hvað er í höfðinu á þeim.“

COVID var valdarán tæknikrata

Þó að COVID-kreppan ruglaði líf flestra, þá varð Wood ekki á hissa á þeirri atburðarás, sem að lokum átti sér stað. Hann hafði fylgst með dómsdagsumræðum um loftslagsbreytingar og stefnumörkun sjálfbærrar þróunar í langan tíma og sá samstundis, að sama fólkið sem var með loftslagsdómsdagsspár stökk á COVID-lestina. Hann vissi að málin tengdust og að verið var að nota COVID til að vinna að markmiðum tæknikratíunnar.

Sömu gölluðu tölvulíkönin og notuð voru til að sannfæra okkur um, að loftslagsbreytingar muni drepa okkur öll, voru einnig notuð til að skapa skelfingu vegna COVID–dauða. Þessi tölvulíkön eru í grundvallaratriðum sett upp til að koma með hvaða niðurstöður, sem þeir vilja fá fram. Samkvæmt dómsdagsspámönnum loftslagsbreytinga hefði mannkynið átt að þurrkast út af yfirborði jarðar fyrir 10 árum síðan. Samt erum við hér. COVID-líkönin brugðust líka og fóru gróflega fram hjá markinu.

Wood segir:

„Á þeim tíma [snemma árs 2020] sagði ég að þetta væri valdarán tæknikratanna. Þeir eru loksins að gera þá stóru alþjóðlegu ráðstöfun, sem þeir hafa verið að tala um að gera í langan tíma. Núna eru þeir í raun að ganga frá málunum og láta það gerast, svo ég sagði það snemma, þetta er valdarán.“

Því miður og til að vitna í Anthony Sutton, sem er meðhöfundur Woods að fyrri bókum, þá hefur aðeins 2% fólks gagnrýna hugsun, 8% fólks telja sig geta hugsað og 90% vilja frekar deyja en hugsa. Þessi vísvitandi fáskipti útskýra, hvers vegna aðeins 10% tiltekins íbúahóps að meðaltali er ekki móttækilegur fyrir fjöldadáleiðslunni.

Wood, ásamt Dr. Judy Mikovits og Dr. Reiner Fuellmich, sem er alþjóðlegur lögfræðingur og stofnandi þýsku kórónu-rannsóknarnefndarinnar, – hafa myndað verkefnahóp um glæpi gegn mannkyni. Fyrsta ráðstefnan verður haldinn í Tampa, Flórída með Michael Yeadon, Ph.D. sem frumsögumanni.

„Við teljum að mikil rök séu fyrir því, að glæpir gegn mannkyninu hafi í raun verið framdir í sama samhengi og skilningi og birtust í Nürnberg-réttarhöldunum. Þau réttarhöld lögðu grundvöllinn að þeirri Nürnberg-reglu, sem nú er innbyggt í réttarkerfi sérhverrar þjóðar á jörðinni [þar á meðal] í landi okkar og í hverju fylki líka.“

„Læknistilraunir eru bannaðar „verboten“ púnktur en hafa engu að síður verið gerðar án upplýsts samþykkis á leiðinni. Fólk er að veikjast og deyja, sama gamla vísan. Hvað fór úrskeiðis? Við erum í eigin persónu að kynna þetta mál fyrir bandarískum almenningi og ég krafturinn við að tala beint við áhorfendur í dag er ferskur andblær fyrir mig sjálfan. Ég held, að allir aðrir myndu segja það sama.“

Búum til nýtt eðlilegt líf á okkar eigin forsendum

Þó að margir standi gegn þessu, þá erum ég og Wood sammála um, að kreppunni sé ekki lokið og hún muni ekki læknast af sjálfu sér. Nei. Þetta á eftir að versna og hlutirnir fara aldrei aftur í sama farið og þeir voru. Það er mikilvægt að gera sér grein fyrir því, að við ættum ekki að vilja að hlutirnir fari aftur í gömlu hjólsporin. Vegna þess að hið gamla eðlilega er einmitt það, sem olli mörgum þeirra kreppa, sem við stöndum frammi fyrir núna.

Við getum alveg búist við því, að bólupassarnir, sem mistókust að hluta, verði skipt út fyrir stafræn auðkenni, sem mun opna aðgang að stafrænum gjaldmiðli seðlabanka „Central Bank Digital Currency“ CBDC. Flestir seðlabankar í heiminum munu taka upp CBDCs á næstu þremur til fimm árum.

Stafræn persónuleg auðkenni og stafrænn gjaldmiðill eru hörmungar, sem æða í áttina að okkur eins og flutningalest og það verður afar erfitt að komast hjá slysi. Undanfarin tvö ár munu líta út eins og kaffiboð miðað við það sem koma skal.

„Ef tilgáta mín er sönn, þá hófst stríð valdaránsins í alvöru í janúar 2020, – heita stríðið ef þú vilt eða aðdraganda þess. Margt slæmt gerðist frá 11. september til 2020 sem við gætum bent á og sagt að líti út fyrir, að einhver hafi skipulagt þetta. Það varð bókstaflega að heitu stríði og á heimsvísu líka í janúar 2020. Byltingar hætta aldrei eftir eina árás. Það er augljóst. Ég er viss um að það er sjálfsagt.“

Þau þekkjast á orðum sínum og gjörðum

Svo, hver kom af stað þessari heimsbyltingu? Hver togar í taumana? Hver er hinn raunverulegi óvinur? Það er ekki almenningur. Það er ekki einu sinni ákveðin þjóð. Þetta er samsteypa auðugs og áhrifamikils fólks um allan heim. En þeir hafa sameiginlega heimspeki, hugmyndafræði og dagskrá. Wood útskýrir:

„Það sem er í gangi er kallað Hin mikla endurræsing jarðarinnar. Endurræsingin mikla er orðin að tökuorði. Flestir hafa ekki hugmynd um hvað það þýðir ennþá, en það var kynnt af World Economic Forum, sem er nátengt Sameinuðu þjóðunum.“

„Þessi úrvalshópur fólks eru fulltrúar þeirra, sem upphaflega voru í þríhliða nefndinni á áttunda áratugnum. Það er sams konar fólk, sama dagskráin að umbreyta heiminum eftir eigin sýn svo hlutirnir verði eins og þau vilja að þeir verði. Þetta er fólkið, sem hefur skipulagt þetta allt saman og ýtir málunum áfram núna.“

Það er auðvelt að bera kennsl á flesta þá, sem taka þátt í þessu. Þú getur skoðað Klaus Schwabbs og Bill Gates og þau þúsund fyrirtæki sem tilheyra World Economic Forum. Þau hafa forstjóra, stjórnarmenn o.s.frv., sem eru hluti af World Economic Forum. Það er frekar auðvelt að bera kennsl á þau í dag.

Hugmyndin um Endurræsinguna Miklu er algjör umbreyting á samfélaginu og þeim einstaklingum, sem búa í því. World Economic Forum talar djarflega um hvort tveggja. Þeir tala um þessa teknókratísku yfirtöku annars vegar að endurbæta samfélagið, þ.e.a.s. uppbyggingu samfélagsins, stofnanirnar, en þeir tala líka um endurskipulagningu sjálfs mannkynsins.

„Það er samruni tækninnar við manneskjuna, við holdið, breyting á líffræðilegum erfðakóða, Humanity 2.0; H+ er annað hugtak sem einnig er notað. Þetta eru verk brjálaðra vísindamanna. Fólk á götunni hefur aldrei verið útsett fyrir slíka hluti áður.“

„Það er erfitt að átta sig á því, hversu illt þetta allt er allt saman og kemur allt óboðið. Enginn bað um þetta, þeir gerðu það bara. Það er annað sem er mjög mikilvægt að skilja: Þetta kom ekki bara upp úr þurru eða datt af himni ofan. Þetta hefur verið í bígerð í mjög langan tíma.“

Framhald síðar….

Deila