Samkvæmt Nya Dagbladet hefur lögfræðingur sem starfar hjá ESB-þinginu lekið því að ný lög séu í undirbúningi sem gera gagnrýni á innflytjendastefnu ESB refsiverða.
Heimild blaðsins er Michael Zazzio vísindamaður og ritstjóri miðilsins 2000-Talets Vetenskap, hann er í sambandi við lögfræðinginn sem vill ekki láta nafn síns getið.
Zazzio segir að upplýsingarnar séu trúverðugar og að sami lögfræðingur hafi áður veitt réttar upplýsingar úr innsta hring ESB.
Angela Merkel er sögð þrýsta á nýju löggjöfina en nýlega sagði hún í ræðu á þýzka þinginu að málfrelsið hefði sínar takmarkanir og gilti ekki fyrir „hatursfullar“ fullyrðingar eða orð sem „skerða virðingu annarra.“
Búist er við að lögin verði lögð fram á næsta ári og ná þau yfir ýmis tjáningarform gagnrýni gegn fjöldainnflutningi flóttaólks og varðar brot á þeim fangelsisrefsingu eða nauðungarvistun á geðveikrarhæli. Michael Zazzio segir tillögurnar brjóta gegn mannréttindum SÞ og verði þær samþykktar munu þær verulega takmarka málfrelsi innan ESB.
Í 19. grein mannréttindayfirlýsingu SÞ segir að „Allir skulu frjálsir skoðana sinna og að því að láta þær í ljós. Felur sá réttur í sér frelsi til að hafa skoðanir óáreittar og að leita, taka við og miðla upplýsingum og hugmyndum með hverjum hætti sem vera skal og án tillits til landamæra.“
