Microsoft vinnur fyrir einræðisstjórn Kína – ritskoðar efni á Internet í heiminum að leiðsögn kommúnistaflokksins

Bill Gates hefur selt hugvit Microsoft til einræðisstjórnar Kína sem núna notar Microsoft til að ritskoða Internet út um allan heim.

Eins og Útvarp Saga hefur greint frá, þá bannaði Kommúnistaflokkur Kína, að íbúar Hongkong mættu minnast þeirra látnu, – um 3000 manns, sem myrtir voru í blóðbaði kommúnista á Torgi hins himneska friðar í Peking 4. júní 1989. Núna kemur á daginn að leitarþjónustan Bing sem rekin er af Microsoft, hefur fjarlægt myndbandið, sem fór út um allar jarðir, þegar einn maður stöðvaði lest skriðdreka á torginu.

Mynd af atvikinu, þekkt í enskumælandi löndum sem „Skriðdrekamaðurinn” var horfin í leitarvél Bing, þegar leitað var að henni m.a. í Bandaríkjunum, Þýskalandi og Singapore. Microsoft segir að um „mannleg mistök” sé að ræða.

Microsoft gerir kommúnistaflokknum kleift að koma á ritskoðun

Internet er hvergi eins ritskoðað í heiminum eins og í Kína og þarlendis er bannað að ræða um blóðbaðið 4. júní 1989. Microsoft er undir stöðugri gagnrýni fyrir að vinna með einræðisstjórn Kína og er núna ásakað um að beita Internet í öðrum löndum sömu ritskoðun til að móðga ekki einræðisstjórn Kína. Microsoft hefur þúsundir starfsmanna í Kína og hefur gert samning við stjórn kommúnista um að ritskoða netið og eru mörg dæmi nefnd auk blóðbaðsins á Torgi hins himneska friðar eins og Dalai Lama og hreyfingu Falun Gong að sögn The Guardian. Samstarf Microsoft við kommúnistana til að ritskoða netið erlendis m.a. fyrir Kínverjum í Bandaríkjunum vakti athygli þegar árið 2014.

Hér að neðan má sjá myndband um höfðingjasleikjuhátt Bill Gates við kínverska kommúnistaflokkinn, þar sem Bill Gates segir í viðtali við CNN, að einræðisstjórn Kína hafi brugðist á réttan hátt við faraldrinum.

Athugasemdir

athugasemdir

Deila