„Ég er þreyttur að sem hvítum manni vera kennt um allt sem aflaga fer í heiminum“

Fljúgandi Cirkus Monty Python

Terry Gilliam 79 ára gamall, leikstjóri Monty Python grínþáttanna, ræðst gegn stjórnmálalegum réttrúnaði og femínisma í viðtali við Independent. Segist hann skilgreina sig núna sem svarta, lesbíska, transkonu sem heitir Loretta.

Gilliam leikstýrir nýrri grínmynd The Man Who Killed Don Quixote og segir að ekki sé lengur neitt pláss fyrir „nútíma karlmennsku.“ Líkir hann Metoo-hreyfingunni við „nornaveiðar“ á karlmönnum.

„Ég veit um marga heiðarlega eða varfærnislega gagnrýna menn sem hafa orðið fyrir barðinu á þessu. Það er rangt, ég er ekki sáttur við eineltishugsun“ segir hann um kvennabaráttuna. Hann segist gera sér grein fyrir því að menn hafi áður haft meiri völd í sögunni en konur, en hann sé orðinn „þreyttur að sem hvítum manni vera kennt um allt sem fer á mis í heiminum.“

„Ég meina að ég er karlmaður og ligg undir ásökun um allt sem fer aflaga í heiminum vegna þess að ég er hvítur. Svo það öruggasta fyrir mig er að vera hvorki karlmaður né hvítur. Þar sem ég laðast ekki kynferðislega að karlmönnum, þá hlýt ég að vera lesbískur. Hvað gæti ég verið annars? Mér þykir vænt um konur.“

Terry Gilliam er mest þekktur fyrir leikstjórn Monty Python grínþáttanna en hefur einnig leikstýrt myndum eins og Brazil (1985), 12 monkeys (1995), Life of Brian (1979), Time Bandits (1981), Fear and Loathing in Las Vegas (1998), The Fischer King (1998) ásamt fjölda annarra kvikmynda.

Athugasemdir

athugasemdir

Deila