Facebook hefur með skerptum reglum bannað gagnrýni og efasemdir um bóluefni gegn kórónu – sérstaklega bóluefni sem innihalda mRNA og hvort það hafi áhrif á erfðaeiginleika fólks. Á myndbandi sem lekið hefur út sést samt að Mark Zuckerberg stofnandi og forstjóri Facebook hefur sjálfur áhyggjur af skaðlegum aukaverkunum bóluefnanna og jafnvel að þau geti breytt erfðaeiginleikum þeirra bólusettu.
Í júlí 2020 hvatti Zuckerberg fólk að fara mjög varlega vegna bóluefna, þar sem aukaverkanir til langs tíma eru óþekktar og hvaða skaði geti hlotist af þeim. Það er Project Veritas sem núna hefur verið bannfært af Twitter, sem komst yfir myndbandið og birtir það (sjá að neðan).
„Ég vil bara tryggja að aðrir fái að vita um varfærni mína varðandi þetta bóluefni, því við þekkjum einfaldlega ekki hvort langtíma afleiðingar geti í reynd haft áhrif á og breytt erfðaeiginleikum fólks“ heyrist Zuckenberger segja á myndbandinu.
Í viðtali nokkrum mánuðum síðan spyr Zuckenberger Dr. Fauci, hvort það sé ekki alveg öruggt að engar erfðabreytingar fylgi í kjölfar bólusetninganna og Dr. Fauci staðfestir að engar slíkar breytingar muni fylgja bóluefnunum.
James O´Keefe hjá Project Veritas spyr hæðnislega, hvort efasemdir Zuckerbergs „brjóti ekki í bága við reglur Facebook“ og hvort ekki sé best að útiloka forstjóra Facebook frá Facebook fyrir að brjóta gegn reglum fyrirtækisins.
