Kosið verður til Alþingis nú á laugardaginn, 25. september. Kosið verður á 23 stöðum í Reykjavík, þar af fimm nýjum.
Kjörstaðir í Reykjavík verða opnir frá kl. 9-22 á laugardaginn og á vef Reykjavíkurborgar (reykjavik.is/kosningar) er að finna ýmsar gagnlegar upplýsingar. Þar er til dæmis hægt að slá inn heimilisfang í leitarglugga til að finna sinn kjörstað og skoða á korti tillögu að gönguleið á kjörstað, vegalengd hennar og staðsetningu næstu strætóbiðstöðvar. Einnig má nálgast upplýsingar um kosningar í Reykjavík í síma 411-4915 eða með pósti á netfangið kosningar@reykjavik.is.
Þar sem kjörstöðum hefur fjölgað um fimm (Frostaskjól, Höfðatorg, Álftamýrarskóli, Foldaskóli og Rimaskóli) eru kjósendur eindregið hvattir til að fletta upp hvar þeir eiga að kjósa. Í mörgum tilfellum hefur kjörstaðurinn færst nær heimilinu, sem er í samræmi við stefnu borgarinnar um að bæta aðgengi að kjörstöðum og hvetja til vistvænna samgangna.
Vakin er athygli á að Landskjörsstjórn hefur breytt kjördæmamörkum Reykjavíkurkjördæmanna (https://www.landskjor.is/landkjorstjorn/frettir-tilkynningar/auglysing-um-mork-kjordaema-i-reykjavik). Áhrifin eru þau að kjósendur í Grafarholti, sem búsettir eru fyrir norðan Kristnibraut en vestan Jónsgeisla, kjósa nú í Reykjavíkurkjördæmi suður, en ekki norður eins og áður. Kjörstaður breytist þó ekki.
Að kjörfundi loknum fer talning fram í Laugardalshöll. Hún er öllum opin og verður streymi frá talningunni á vef borgarinnar, reykjavik.is.
Aðgengis- og samráðsnefnd fatlaðs fólks í Reykjavík safnar ábendingum um aðgengismál kjörstaða hér: https://betrireykjavik.is/community/3465.
Utankjörfundaratkvæðagreiðsla fer fram í Kringlunni og Smáralind, Kópavogi og er opið kl. 9-22 alla daga.
Smella má hér til þess að horfa á myndbönd frá kjörstöðum
Kjörstaðir Reykjavíkurkjördæmanna.
Reykjavíkurkjördæmi norður
Álftamýrarskóli, 2 kjördeildir
Borgaskóli, 5 kjördeildir
Dalskóli, 2 kjördeildir
Foldaskóli, 6 kjördeildir
Höfðatorg, 2 kjördeildir
Ingunnarskóli norður, 1 kjördeild
Kjarvalsstaðir, 4 kjördeildir
Klébergsskóli, 1 kjördeild
Laugalækjarskóli, 5 kjördeildir
Menntaskólinn við Sund, 5 kjördeildir
Ráðhús, 9 kjördeildir
Rimaskóli, 3 kjördeildir
Vesturbæjarskóli, 2 kjördeildir
Reykjavíkurkjördæmi suður
Árbæjarskóli, 6 kjördeildir
Borgarbókasafnið í Kringlunni, 2 kjördeildir
Breiðagerðisskóli, 7 kjördeildir
Breiðholtsskóli, 3 kjördeildir
Frostaskjól, 4 kjördeildir
Hagaskóli, 5 kjördeildir
Hlíðaskóli, 4 kjördeildir
Ingunnarskóli suður, 3 kjördeildir
Íþróttamiðstöðin Austurbergi, 6 kjördeildir
Norðlingaskóli, 2 kjördeildir
Ölduselsskóli, 6 kjördeildir