Naomi Wolf: „Bólusetningarvegabréfið táknar endalok frelsis á Vesturlöndum”

Naomi Wolf rithöfundur og kvenréttindafrömuður segir, að tilkoma bólusetningarbréfa „tákni endalok frelsis á Vesturlöndum.”

Kannski vilja vinstri menn, að Naomi Wolf segi af sér stöðunni sem „villutrúarmaður og samsæriskenningafræðingur„ núna þegar hún er ósammála viðbrögðum þeirra við kórónaveirunni, en hún varar við og berst gegn „bólusetningarvegabréfum“ sem Joe Biden Bandaríkjaforseti vill koma á í Bandaríkjunum. Naomi Wolf er þekktur rithöfundur í Bandaríkjunum og kvennréttindakona og hún segir, að vegabréfið muni skipta fólki í þá sem eru bólusettir og hina sem ekki hafa fengið sprautuna. Með orðum hennar táknar það „bókstaflega endalok frelsis á Vesturlöndum, ef þessi áætlun gengur eftir eins og til stendur.“

Vegabréfið snýst um aðra hluti en veiru og bólusetningu

Naomi segir: „Bólusetningarvegabréf hljómar eins og fínn hlutur, ef þú veist ekki hvað grunnur þess getur gert. Ég er forstjóri tæknifyrirtækis og ég skil hvað þetta þýðir. Þetta snýst ekki um bóluefnið, þetta snýst ekki um veiruna, þetta snýst um gögn. Þú hefur ekki þann valkost að vera hluti af kerfinu nema að hafa vegabréfið. Það sem fólk verður að skilja er að það er án vandræða hægt að hlaða niður hvaða virkni sem er í vegabréfið.”

Svona sér teiknarinn BRANCO bólusetningarvegabréf framtíðarinnar sem rafrænir skannar lesa af, hvert sem við förum og hvað sem við gerum.

Wolf sagði í viðtali við Steve Hilton hjá Fox News (sjá hér að neðan), að tæknirisarnir fái umsjón með öllum persónulegum upplýsingum þínum og setja með þeim upplýsingar sem stjórnvöld nota til að ákveða, hvort þú megir ferðast og gera aðra hluti í samfélaginu. Biden forseti undirritaði skipun í janúar um að fylgst verði með fólki til að stöðva útbreiðslu COVID. Wolf segir að forsetaskipunina vera stórslys.

“Þeir eru að reyna að koma þessu á út um allan heim. Þetta er svo miklu meira en bólusetningarvegabréf. Ég get ekki lagt nægilega mikla áherslu á það. Það hefur valdið til að stöðva líf þitt. Eða setja það í gang. Það leyfir þér að taka þátt í borgaralegu samfélagi eða setur þig á hliðarlínuna. Þetta er stórslys. Það er ekki hægt að leyfa þessu að halda áfram.”

Vegabréf eins og í Kína þar sem kommúnistar fylgjast með öllu og hafa stjórn á lífi einstaklingsins

Wolf spáir því að bóluefnisvegabréfið muni að lokum taka yfir alla þætti í lífi þínu.

„Það þýðir, að það er hægt að sameina vegabréfið við PayPal reikninginn þinn og stafræna gjaldmiðilinn þinn. Microsoft talar þegar um að sameina vegabréfið greiðsluáætlunum. Það fangar upp hverja þú umgengst. Skráir allar hreyfingar þínar. Tekur með lánasögu þína. Öll sjúkrasaga þín getur verið með.”

Í stuttu máli sagt, þá er ekkert erfitt að ímynda sér að þetta vegabréf breytist í kínverska útgáfu með stjórn á öllu sem einstaklingurinn gerir. Ef þú gerir það sem stjórnin vill að þú gerir í Kína, þá færðu stig sem gefa þér meira ferðafrelsi ásamt öðrum fríðindum. Árið 2018 greindi Vox frá væntanlegri útfærslu félagslega lánakerfisins í Kína árið 2020.

Kerfið vakir yfir hegðun þinni og refsar þér, ef þú eyðir ekki peningum á „skynsamlegan hátt eða kveikir á sígarettu, þar sem bannað er að reykja.” Viðurlög fela í sér atvinnumissi og skerta möguleika til menntunar og ferðalaga. Þeir sem skora hátt í stigum fá fríðindi eins og afslátt af heimilisreikningum og flýtimeðferð til að ferðalaga erlendis.

Wolf segir, að vegabréfið brjóti í bága við stjórnarskrá Bandaríkjanna og að það þurfi að fjármagna her lögfræðinga til lögsóknar til að stöðva það „því ef við gerum það ekki, þá mun það þýða endalok borgaralegs samfélags á Vesturlöndum.”

Athugasemdir

athugasemdir

Deila