Ný afhjúpun: Hunter Biden græddi milljónir í Kína fyrir að tryggja kommúnistum og kínverskri elítu „fundi í Hvíta Húsinu”

Uppljóstranirnar streyma um viðskipti Hunter Biden og beinar greiðslur frá kínverskum kommúnistum og fjárfestum til að fá aðgang að Hvíta húsinu

Fleiri upplýsingar hafa borist um tölvubréf milli Hunter Biden og viðskiptaaðila í Kína sem greiddu honum og föður hans Joe Biden peninga fyrir að fá aðgang að Hvíta Húsinu og toppfundi þar með áhrifamestu einstaklingum í stjórn Bandaríkjanna. Sýna bréfin sem aldrei áður hafa verið birt, hvernig viðskiptanefnd kínverska kommúnistaflokksins og kínverskra fjárfesta tókst að tryggja óskráða einkafundi með þávarandi varaforseta Bandaríkjanna Joe Biden.

Tölvubréfin koma frá fyrrum viðskiptaaðila Hunter Biden sem situr í fangelsi fyrir fjársvik

Í tölvubréfi frá 2011 ræða viðskiptaaðilar Hunter Biden um að auka samskiptin og stofna „China Inc.” sem hluta í „nýju átaki til að aukinna áhrifa Kínverja.” Þessi bréf koma frá öðrum heimildum en New York Times sem uppljóstrað hefur um tölvubréfin í tölvu Hunter Bidens. Þessar nýju upplýsingar koma frá Bevan Cooney fv. viðskiptaaðila Hunter Biden og Devon Archer en Cooney afplánar dóm og situr í fangelsi vegna fjársvika í verðbréfafjárfestingum.

2019 tók Cooney samband við Peter Schweizer sem þekktur er fyrir bækur sínar um fjármálaspillingu og sagðist hafa verið gerður að syndabokki í fjársvikamáli sem Archer og Hunter Biden áttu aðild að en bæði Archer og Biden komust hjá því að taka ábyrgð í málinu. Bevan Cooney lét Schweizer fá nöfn og aðgangslykla að g-mail tölvubréfaskrá sinni og skrifaði undir yfirlýsingu þess efnis að birta mætti bréfin opinberlega. Er þetta í fyrsta skipti sem viðskiptaaðili Hunter Biden viðurkennir opinberlega viðskipti Hunter með áhrifastöðu föðursins sem varaforseta Bandaríkjanna.

Hunter Biden seldi kínverskum kommúnistum og fjárglæframönnum aðgang að Hvíta húsinu og stjórnmálakerfi Bandaríkjanna

Þessar nýju uppljóstranir varpa einstöku ljósi á hvernig Biden fjölskyldan átti í viðskiptum á tíma ríkisstjórnar Obama fv. Bandaríkjaforseta. Viðskiptaaðilar greiddu Biden fjölskyldunni fé fyrir að fá aðgang að föður hans sem þá var varaforseti Bandaríkjanna og Hvíta húsi Obama og Biden í því skyni að gera hagstæða kaupsamninga.

T.d. segir í tölvubréfi frá 5. nóvember 2011 að Biden og viðskiptafélagar hans geti fengið „afar góða nýja viðskiptavini” ef þeir komi á fundum í Hvíta húsinu fyrir hóp kínverskra forstjóra og opinberra starfsmanna. Hópurinn samanstóð af klúbbi kínverskra athafnamanna (China Entrepreneur Club CEC) og sendinefnd skipaða kínverskum milljarðamæringum, meðlimum Kommúnistaflokks Kína og a.m.k. einum „hátt settum embættismanni” frá Peking. CEC klúbburinn hefur verið kallaður „annað utanríkisráðuneytið” fyrir Alþýðulýðveldið Kína, þar sem kommúnistaflokkurinn stjórnar flestöllum viðskiptum landsins. CEC var komið á laggirnar ár 2006 af viðskiptamönnum og embættismönnum kínversku ríkisstjórnarinnar.

Forystumenn CEC klúbbsins eru í dag eldri meðlimir Kommúnistaflokks Kína m.a. Wang Zhongyu varaformaður þjóðarnefndar kommúnistaflokksins, Ma Weihua yfirmaður margra skrifstofa kommúnistaflokksins og Jiang Xipei fulltrúi á 16. þjóðþingi kommúnistaflokksins. „Álíkur hópur og þessi kemur ekki á hverjum degi” skrifaði Mohamed A. Khashoggi fyrir hönd CEC klúbbsins til samastarfsmanns Hunter Biden. „Skoðun Hvíta hússins og fundur með yfirmönnum starfsmanna og John Kerry væri fínt.” Kashoggi sagði að heimsóknin í Hvíta húsið „væri mjúk diplómatísk aðferð sem gæti orðið mjög áhrifamikil og gæfi Hunter Biden og viðskiptaaðilum hans „greiðan aðgang að Kínverjum fyrir viðskipti í framtíðinni.”

CEC klúbburinn telur ríkustu einstaklinga í Kína

CEC klúbburinn inniheldur ríkustu einstaklinga í Kína sem standa fyrir rúmum 4% af þjóðarframleiðslu Kína. Var Hunter Biden lofað gulli og grænum skógi í viðskiptum við Kínverja fyrir að fá aðgang að hæstu stjórnendum Bandaríkjanna. CEC klúbburinn hafði áður reynt að komast í tengsl við áhrifavalda á hæstu stöðum án árangurs, þar til þeir gerðu samninga við Hunter Biden.

14. nóvember heimsótti kínverska sendinefndin Hvíta húsið og átti fundi með æðstu stjórnendum Bandaríkjanna. Skv. gestabók Hvíta hússin voru 30 manns í nefndinni frá Kína og bað Obama aðstoðarskrifstofustjóra Hvíta hússins Jeff Zient að færa til aðra fundi fyrir Kínverjana og undirbúa fundinn með þáttöku innflutnings- og útflutningsyfirvalda í Bandaríkjunum. Frásögn í Kína staðfestir einnig fundinn. Þrátt fyrir að opinber gestabók Hvíta hússins segi ekkert um fund CEC með Joe Biden varaforseta, þá hefur Maggie Cheng ritari CEC skrifað um fundinn í nokkurs konar „æviskrá meðlima” CEC.

Eftir þennan fund fóru hjólin að snúast fyrir Hunter Biden og viðskiptafélaga hans Devon Archer. Tveimur árum síðar stofnuðu þeir Bohai Harvest RST (BHR) fjárfestingasjóðinn með ríkisstjórn Kína.

Athugasemdir

athugasemdir

Deila