Ný frétt: Bandaríska lýðheilsan NIH viðurkennir að hafa borgað fyrir tilraunir í Wuhan með „viðbótarvirkni“ á kórónuveirum úr leðurblökum

Nú sannar aðstoðarforstjóri lýðheilsunnar í Bandaríkjunum, að Dr. Fauci laug fyrir nefnd þingsins, þegar hann sagði, að engar peningagreiðslur hefðu farið frá bandarískum yfirvöldum til styrktar rannsóknum á viðbótarvirkni kórónuveirunnar á rannsóknarstofunni í Wuhan. Samtímis slær NIH frá sér höndunum og segir að „veiran sem búin var til með bandarísku skattfé hafi alls ekki orsakað SARS-CoV-2 sem veldur Covid-19.“

Lawrence A. Tabak, aðstoðarforstjóri Bandarísku lýðheilsunnar NIH, viðurkenndi í bréfi í gær miðvikudag, að Bandaríkin fjármögnuðu rannsóknir á svokallaðri „viðbótarvirkni“ Covid veirunnar í Wuhan í Kína og að samtökin „EcoHealth Alliance“ undir leiðsögn hins umdeilda Peter Daszak „mistókst“ að tilkynna, að þeir hefðu búið til kímíska kórónuveiru í leðurblökum, sem gæti smitað menn.

Bréfið er stílað á James Comer fulltrúardeildarþingmann repúblikana og lýsir m.a. „takmarkaðri tilraun“ til að ákveða, hvort „toppprótein úr kórónuveirum, sem leðurblökur hafa í Kína, geti bundast mannlegu ACE2 móttaka í músarlíkani.“ Segir í bréfinu að „manngerðar mýs smitaðar af hinni breyttu kórónuveiru hafi orðið veikari en þær, sem smitaðar voru með óbreyttri kónónuveiru.“ Bréfið má lesa í heild sinni á ensku í tístinu hér að neðan.

Daszak tilkynnti lýðheilsunni aldrei um þessa niðurstöðu og hefur nú fengið fimm daga frest til að leggja fram „öll óbirt gögn frá tilraununum og því starfi sem gert var fyrir fé frá NIH.“

Efnafræðiprófessor Richard H. Ebright í háskólaráði Rutgers háskóla dregur saman: „NIH leiðréttir ósannar staðhæfingar Collins, forstjóra Lýðheilsunnar og Fauci, forstjóra Sóttvarnarstofnunarinnar. Lýðheilsan staðhæfir að EcoHealth Allianse braut reglur og skilyrði fjárveitingar Lýðheilsunnar AI110964.“

Tabaks fullyrðir að SARS-CoV-2 veiran, sem orsakar sjúkdóminn Covid-19, geti engan veginn hafa orðið til vegna tilraunastarfa, sem EcoHealth stóð fyrir. Burtséð frá því, þá sannar bréfið alfarið, að öldungadeildarþingmaðurinn Rand Paul, sem Fauci ítrekað úthrópaði sem lygara í júlí, hafði á réttu að standa, að bandarísk heilsuyfirvöld fjármögnuðu rannsóknir á „viðbótarvirkni“ covid veiru í Wuhan, Kína.

Peter Dazak sótti um styrk 18 mánuðum áður en heimsfaraldurinn braust út til að sleppa viðbótarvirknis-breyttum kórónaveirum sem berast með lofti út í náttúruna. Markmiðið var sagt, að með því að smita leðurblökur með þessari breyttu kórónuveiru, þá myndi hin nýja breytta veira koma í veg fyrir að leðurblökur bæru með sér sjúkdóma, sem ella gætu hoppað til manna, skv. The Telegraph sem vitnar í lekin gögn frá 2018.

Daszak vann m.a. með doktor Shi Zhengli frá Sóttvarnastofnun Wuhan auk bandarískra vísindamanna frá háskólanum í Norður -Karólínu og National Wildlife Health Center.

Athugasemdir

athugasemdir

Deila