Ný rannsókn: Skaðlegar afleiðingar bóluefnanna er um 40 sinnum verri en áður var talið

Charité háskólasjúkrahúsið í Berlín stendur fyrir rannsókninni sem sýnir að læknar voru beittir pólitískum þrýstingi og að ástandið í kjölfar bóluefnanna gegn covid er um 40 sinnum verra en yfirvöld hafa áður gefið upp. (Mynd © INTERRAILS).

Fylgst með 40 þúsund bólusettum Þjóðverjum í eitt ár

Ný rannsókn í Þýskalandi sýnir, að fjöldi tilvika með alvarlegum fylgikvillum eftir bólusetningu gegn covid-19, eru 40 sinnum fleiri en þýsk yfirvöld hafa áður gefið upp. Samtímis koma aðvaranir um að fórnarlömb hafi verið hunsuð af læknum, sem vildu ekki „taka afstöðu“ í heitu pólitísku máli.

Þessi undraverða niðurstaða kemur frá yfirgripsmikilli langtímarannsókn sem gerð var af Charité háskólasjúkrahúsinu í Berlín, að því er Mitteldeutscher Rundfunk greinir frá.

Í rannsóknin var fylgst með 40.000 bólusettum Þjóðverjum í eitt ár og í ljós kom að næstum hundraðasti hver þeirra eða 8 af hverjum 1.000, hafa orðið fyrir alvarlegum aukaverkunum.

Alvarlegar aukaverkanir eru m.a. einkenni sem vara í margar vikur eða mánuði og læknishjálpar er þörf. Það eru t.d. vöðva- og liðverkir, hjartavöðvabólga, of mikil viðbrögð í ónæmiskerfinu og taugasjúkdómar.

„Flestar aukaverkanir, jafnvel alvarlegar, hverfa eftir þrjá til sex mánuði, 80 % læknast. En því miður eru líka aukaverkanir, sem endast miklu lengur“ segir prófessor Harald Matthes, sem stýrir rannsókninni, við MDR

Læknar vildu ekki „taka pólitíska afstöðu“


Harald Matthes © Publons

Rannsóknin bendir til þess, að það sé gríðarmikill blindur blettur varðandi bólusetningarnar, ef borið er saman við opinberar tölur. Þýska Paul Ehrlich ríkisstofnunin, sem ber ábyrgð á kortlagningu aukaverkana, hefur aðeins tilkynnt um 0,2 tilvik alvarlegra aukaverkana á hverja 1.000 bóluefnaskammta.

Í Þýskalandi hefur ekki verið hlustað á marga þeirra, sem orðið hafa fyrir alvarlegum aukaverkunum að sögn MDR. Læknar hafa vísað einkennunum á bug, annað hvort vegna þess að þeir voru ekki viðbúnir þeim eða vegna þess að þeir vildu ekki „taka afstöðu til máls sem skapaði heita pólitíska stemningu“ skrifar þýski miðillinn.

Bæði í Þýskalandi og í öðrum löndum hafa fjölmiðlar, stjórnmálamenn og yfirvöld kerfisbundið lýst þeim, sem gagnrýndu fjöldabólusetninguna gegn kórónu, sem öfgamönnum og samsæriskenningarsmiðum. Í Þýskalandi, ólíkt mörgum öðrum löndum, hafa fjölmiðlar hins vegar farið að kanna áhrif hinna umfangsmiklu aukaverkana eftir á.

„Langtíma covid“ í reynd fylgikvillar bóluefnanna

Fórnarlömb hafa lýst í bréfum til prófessors Haralds Matthes, hvernig þau hafa neyðst til að berjast mánuðum saman fyrir að fá þá hjálp sem þeir þurftu á að halda.

Berlínarprófessorinn útskýrir einnig að mörg af þeim einkennum sem lýst er sem „langtíma covid“ séu í raun það, sem búast má við af aukaverkunum vegna sjálfra bóluefnanna.

Harald Matthes vill að sérstakar heilsugæslustöðvar verði opnaðar, sem eingöngu sinni fólki með fylgikvilla bóluefnanna. Verið er að þróa sérstaka meðferð fyrir fórnarlömb bóluefnanna á Charité og öðrum sjúkrahúsum.

Deila