Ný skýrsla: Rannsóknir benda til fleiri dauðsfalla af völdum bóluefna en faraldrinum – Vilja rannsókn á afleiðingum bólusetninga hérlendis

Fátækleg upplýsingagjöf stjórnvalda gagnvart almenningi um bóluefnin og bólusetningu er ámælisverð og skoða þarf hvers vegna það sé til staðar misræmi í tölum um heildarfjölda árlegra andláta sem Landlæknir segir að ekki séu fleiri en í venjubundnu meðaltali á meðan tölur hagstofunnar gefa allt aðra mynd.


Þetta er meðal þess sem fram kemur í ítarlegri skýrslu Guðmundar Karls Snæbörnssonar sérfræðings í heimilislækningum, Jóhannesar Loftssonar M.Sc Efnavekfræði og M.Sc byggingarverkfræði, og Helga Arnar Viggóssonar forritara um aðgerðir stjórnvalda gegn Covid, þar á meðal bólusetningar en í samantekt niðurstaðna skýrslunnar segir meðal annars að mögulega séu fleiri látnir hér á landi vegna bólusetningar heldur en Covid-19 og vísa skýrsluhöfundar til rannsókna sem framkvæmdar hafa verið í Ísrael sem sýna fram á þetta. Höfundarnir telja að hefja ætti rannsóknir án tafar hér á landi til þess að komast að því hvort það sama sé uppi á teningnum hérlendis.

Í samantekt úr skýrslunni segir meðal annars:

Bóluefnaleiðin er að mistakast því nýjar upplýsingar benda til að öll bóluefnin við COVID-19 séu hættulegri en sjúkdómurinn. Ástæðan er að tengisprotinn (e. spike protein) í þeim öllum er skaðlegasti hluti sjúkdómsins og burðarefnin í bóluefnunum eru skaðleg tilraunaefni sem aldrei eða sjaldan áður hafa verið prófuð í mönnum. Margendurtaka þarf svo bólusetninguna til að viðhalda vörn gegn veiru sem sífellt er að breytast. “

Þá segir að vinnubrögð stjórnvalda auki þá hættu sem mögulega stafar af bólusetningum, meðal annars með blöndun bóluefna, um það segir í skýrslunni:

Blöndun mismunandi bóluefnategunda eykur hættu á skaða, val á bóluefnum sem aðrar þjóðir hafa hafnað eykur hættu á skaða og við boðun í bólusetningu er fólk í áhættuhópi gagnvart bólusetningu sem mælingar á skaðsemishættu vantar fyrir, ekki varað við að það er að taka þátt í tilraun

Lesa má skýrsluna með því að smella hér

Athugasemdir

athugasemdir

Deila