Vísindamenn hafa skráð tilfelli af mjög óhugnanlegri aukaverkan af covid-bóluefni Pfizers. Um er að ræða eitrað drep í húðþekju, sem er sjúkdómur sem veldur því, að húðin deyr og dettur af líkamanum. Dánartíðni sjúkdómsins er 25-45% hjá fullorðnum en birtist oft með algengum einkennum eins og almennum óþægindum, lið- og vöðvaverkjum og höfuðverk, að sögn sérfræðinga.
Þegar fjöldabólusetningin hófst snemma árs 2021 komu fréttir á samfélagsmiðlum um að fólk, sem hafði tekið bóluefnið, hefði fengið Stevens-Johnson heilkenni (SJS).
Stevens-Johnson heilkenni er ástand sem einkennist af húðútbrotum sem líkjast brunasárum. Í alvarlegri tilfellum getur heilkennið þróast yfir í eitrað húðþekjudrep (TEN) sem þýðir að húðin flagnar og fellur af með miklum skaða í kjölfarið.
Í „staðreyndaathugun“ í mars á síðasta ári fullyrti fréttastofan Reuters, að engar sannanir væru fyrir því, að bóluefnið gæti valdið SJS / TEN – og vísaði til „sérfræðinga.“
En í grein, sem birt var í vísindatímaritinu Cureus, hafa vísindamenn skráð tilfelli þar sem 49 ára kona fékk eitrað húðþekjudrep eftir bólusetningu gegn covid-19.
Konan, sem áður var fullfrísk, veiktist viku eftir að hún fékk fyrsta skammtinn af Pfizer-bóluefni. Sem betur fer gátu læknarnir fljótt hafið árangursríka meðferð og eftir 22 daga jafnaði sjúklingurinn sig.
Eitrað húðþekjudrep er sjaldgæfur en alvarlegur sjúkdómur, sem oftast stafar af lyfjum. Sjúkdómurinn byrjar oft með almennum einkennum í formi hita, almennum óþægindum, liða- og vöðvaverkjum, höfuðverk, kyngingarverkjum, hósta og augnabólgu, að sögn Mats Halldins, sérfræðilæknis í lyflækningum.
Einkenni í upphafi sjúkdómsins „minnir á flensu eða efri öndunarfærasýkingu“ skrifar Halldin í grein um sjúkdóminn á Netdoktor. Meðal fullorðinna deyja á milli 25 og 45 prósent þeirra sem verða fyrir sjúkdómnum.
Vísindamennirnir sem skrifuðu greinina í Cureus benda skýrt á, að þetta sé „afar sjaldgæf“ aukaverkun. Þeir skrifa:
„Þetta tilfelli sýnir afar sjaldgæfan fylgikvilla covid-19 bóluefnisins. Ávinningurinn af því að fá bólusetja sig gegn covid-19 vegur þyngra en hugsanleg áhætta.“
