Ólöglegir innflytjendur fluttir í rútum að heimili Kamala Harris: „Gerðu vinnuna þína“

Texas og Flórída halda áfram að senda ólöglega innflytjendur til annarra hluta Bandaríkjanna. Á fimmtudaginn komu tvær fullar rútur með innflytjendum til Washington DC, þar sem varaforseti landsins, Kamala Harris býr segir í frétt Fox News. Rúturnar voru „fullar af innflytjendum“ að sögn sjónvarpsstöðvarinnar.

Innflytjendastríð á milli repúblikana og demókrata

Þar sem vinstrimenn neita að stöðva fjöldainnflutning hælisleitenda í suðri, þá hafa stjórnmálamenn í Texas og Flórída ákveðið að flytja ólöglega innflytjendur til annarra svæða t.d. eyjunnar Martha’s Vineyard. Ron DeSantis, ríkisstjóri Flórída sendi hundraði innflytjenda frá Venesúela, þangað með flugi í gær að sögn Swebbtv.

En þetta er bara eitt dæmi. Texas hefur meðal annars flutt 10.000 innflytjendur til Washington og New York borgar. Á fimmtudaginn komu tvær rútur með ólöglega innflytjendur nálægt heimili Kamala Harris varaforseta í Washington DC. Ríkisstjóri Texas, Greg Abbott sendi innflytjendurna að heimili Kamala Harris og hann tísti (sjá neðar á síðunni):

„Varaforsetinn heldur því fram að landamæri okkar séu „örugg“ og afneitar kreppunni. Við erum að senda innflytjendur í bakgarðinn hennar til að hvetja Biden-stjórnina til að sinna starfi sínu og tryggja landamærin.“

Galopin landamæri

Fox News spurði innflytjendur í einni af rútunum, hvort suðurlandamæri Bandaríkjanna séu enn opin. Þeir svara því játandi, þvert á yfirlýsingar Kamala Harris. Nánast enginn innflytjendanna talar ensku. Einn þeirra segir við Griff Jenkins, Fox News (sjá tíst neðar á síðunni):

„Landamærin eru ekki lokuð. Landamærin eru opin. Það er opið, við komumst inn. Ekkert mál. Við fórum ólöglega inn.“

Fox útskýrir: „Það er orðin vinsæl mótmælaaðgerð hjá yfirfullum suðurríkjum, sem upplifa að þau séu hunsuð af ríkisstjórn Bidens, að flytja ólöglega innflytjendur áfram til annarra staða í landinu.“

Sjáðu þegar rúturnar koma í Fox News þættinum hér að neðan:

Deila