Omicron afbrigðið af kórónuveirunni er mjög áhugavert í marga staði og gæti mögulega verið ákveðin lausn í baráttunni við faraldurinn. Þetta var meðal þess sem fram kom í máli Guðmundar Karls Snæbjörnssonar sérfræðings í heimilislækningum í síðdegisútvarpinu í dag en hann var gestur Arnþrúðar Karlsdóttur.
Hann segir þetta afbrigði veirunnar vera svo gjörólíkt fyrri afbrigðum að hægt sé í raun að tala um nýjan stofn, stofn sem leggist ekki eins þungt á fólk og því gæti hún í raun verið mun betri vörn heldur en sprauturnar, sérstaklega þegar horft er til þeirra aukaverkana sem hlotist hafa af sprautunum.
Þá segir Guðmundur að afbrigðið dreifi sér hraðar en nokkur veira sem hann hafi áður séð og leggist jafnt á alla aldurshópa. Fyrri afbrigði hafi lagst meira á ákveðna hópa. Þannig sé þetta afbrigði vel til þess fallið að mynda ónæmi. Til dæmis séu ekki dauðsföll af völdum afbrigðisins. Auknar sýkingar megi hins vegar rekja til bólusetninga, til að mynda vegna spike próteinsins sem myndi úða út frá sér á fyrstu vikum eftir bólusetningu.
Hlusta má á viðtalið í spilaranum hér að neðan
