AEIR segir frá opnu bréfi lækna, hjúkrunarfræðinga og þúsunda venjulegra borgara í Belgíu til yfirvalda um að ekki sé nauðsyn þvingandi aðgerða vegna kórónufaraldursins. Bréfið er all langt og hluti þess birtur í lauslegri þýðingu hér. Linkur á bréfið á ensku er neðst á síðunni.
Bréfið hefst á orðunum „Við, belgískir læknar og starfsmenn heilbrigðiskerfisins, lýsum yfir djúpum áhyggjum okkar á þróun ástandins undanfarna mánuða vegna útbrots SARS-CoV-2 veirunnar. Við skorum á stjórnmálamenn að vinna á sjálfstæðan og gagnrýninn hátt við meðhöndlun upplýsinga sem notaðar eru við ákvarðanatökur og innleiðingu þvingandi aðgerða. Við förum fram á opnar umræður þar sem allir sérfræðingar fá að koma til tals án nokkurrar ritskoðunar. Eftir upprunalegan ótta vegna covid-19 sýna staðreyndirnar núna allt aðra mynd – það finnast engar læknisfræðilegar réttlætingar fyrir neyðarráðstöfunum lengur.
Núverandi kreppustjórn hefur farið gjörsamlega úr böndunum og veldur meiri skaða en gagn. Við köllum eftir lokun allra aðgerða og förum fram á tafarlausa endurheimtingu eðlilegra lýðræðislegra stjórnarhátta og laga fyrir borgaraleg réttindi allra.“
Læknarnir segja stjórn daglegra mála hafa verið sett úr böndunum vegna rangra ákvarðana í kórónufaraldrinum sem hafi blásið út stærð aðgerða úr öllu hlutfalli og jafnvægi við vandamálið og skert mannréttindi fólks að ástæðulausu.
Viðvaranir WHO í engu sambandi við raunverulega hættu vegna veirunnar
„Heilbrigðisstofnun Sameinuðu Þjóðanna WHO ályktaði í upphafi faraldursins að 3,4% myndu deyja sem fengu veiruna, m.ö.o. að milljónir manns myndu deyja vegna þess að ekki væri til lækning eins og bóluefni. Faraldurinn myndi því skapa gríðarmikið álag á gjörgæsludeildirnar. Gefin var út alheimsviðvörun sem aldrei áður hafði sést í mannkynssögunni: „Fletjum kúfinn“ var kynnt með lokunaraðgerðum sem lokuðu öllu samfélaginu og efnahagslífi og kom heilbrigðu fólki í einangrun.“
Gagnrýna læknarnir hroðvirknisleg vinnubrögð í upphafi með fjölda sýnatöku þar sem einstaklingar mældust „jákvæðir“ án þess að vera raunverulega veikir þar sem magn veirunnar í sýnatökunni var ekki mælt. Segja læknarnir að hér sé ekki um óvenjulegri faraldur að ræða en inflúensu. Bera þeir saman lönd sem lokuðu öllu við lönd sem ekki gerðu það eins og Svíþjóð og segja dánartölur síst minni í lokuðu löndunum.
Ónæmiskerfi líkamans – margir þegar ónæmir
Læknarnir skrifa að mannslíkaminn hafi í þúsundir ára þurft að kljást við veirur, bakteríur og aðrar örverur sem herja á heilsukerfi líkamans sem ónæmiskerfið glími við. Benda þeir á að líkaminn þurfi að lifa með veirum og því gætu of miklar heilsufarsráðstafanir haft þveröfug áhrif og því ætti „einungis fólk með niðursett eða gallað ónæmiskerfi að vera verndað með sérstökum heilsufarsráðstöfunum og félagslegri fjarlægð.“ Segja læknarnir að margt fólk sé þegar með ónæmi gegn SARS-Cov-2 vegna þess að það hafi áður smitast með veiru sem tilheyri sama veiruklasa.
Andlát úr kórónuveiru svipað og í venjulegri inflúensu (0,2%)
Læknarnir skrifa að félagsleg einangrun leiði til þunglyndis, reiði, sjálfsmorða, ofbeldis á heimilum og barnaníðs. Segja þeir að reynsla sýni að fólk með félagslega og tilfinningalega ábyrgð hafi meiri ónæmi gegn veirufaröldrum en aðrir og því viðbúið að einangrun fái víðtækar alvarlegar afleiðingar. Þeir benda á að dauðleiki kórónuveirunnar sé miklu lægri en óttast var í upphafi og svipað venjulegri tímabundinni inflúensu 0,2%. „Auðvelt er að greina viðkvæmustu hópana því að flestir þeirra sem hafa dáið voru orðnir 80 ára eða eldri. 70% þeirra sem dáið hafa yngri en 70 ára höfðu aðra sjúkdóma fyrir eins og kransæðastíflu, sykursýki, króníska lungnabólfu eða offitu. Langstærsti hluti þeirra sem smitast hafa (>98%) urðu ekki veikir eða kenndu meins eða læknuðust sjálfkrafa.“
„Fræðileg gagnrýni“ kemur í veg fyrir notkun á tiltækum, öruggum og fljótvirkum lækningum
Segja læknarnir að til staðar sé örugg og fljótvirk aðferð til að lækna þá sem sýna alvarleg sjúkdómseinkenni með HCQ (hydroxychloroquine), zinki og AZT (azithromycin). Með því að nota þessar leiðir má ná skjótum bata og bjarga lífum flestra í dag. „Þessar árangsurríku aðferðir hafa verið staðfestar af klínískum sérfræðingum og samstarfsmönnum með góðum árangri. Það er í bjartri mótsögn við fræðilega gagnrýni (ófullkomið undirlag í double-blind athugunum) sem í sumum löndum (t. d. Hollandi) hefur leitt til banns á nefndum aðferðum.“
Læknarnir nefna fjölmörg dæmi máli sínu til sönnunar frá Bandaríkjunum, Frakklandi, Sviss og víðar. Segja þeir bóluefni ekki virka á 75 ára og eldri og yfir 95% þeirra sem fengið hafa veiruna séu bókstaflega einkennalausir og því sé óþarfi að vera að gera tilraunir með bóluefni á fólki. Vitna þeir í læknaheitið:
„Ég mun æðra öllu annast heilsu sjúklinga minna, bæta heilsu þeirra og draga úr þjáningum þeirra.
Ég mun upplýsa þá á réttan hátt.
Jafnvel undir álagi mun ég ekki nota læknisfræðilega þekkingu mína í þágu aðferða sem ganga gegn mannkyni.“
Átelja þátt fjölmiðla og skaðsemi núverandi stefnu
„Á undanförnum mánuðum hafa dagblöð, útvarp og sjónvarp staðið sem næst gagnrýnislaust að baki pallborði sérfræðinga og ríkisstjórna í stað þess einmitt að fylgja verkefni sínu að að vera gagnrýnin á yfirvöld og koma í veg fyrir einhliða samskipti þeirra. Þetta hefur leitt til almenns, opinbers fréttamáta sem meira er í stíl við áróður en staðreyndafréttir.
Að okkar mati er það verkefni blaðamennskunnar að segja fréttir hlutlaust eins nálægt raunveruleikanum og hægt er, til þess að finna sannleikann og fylgjast á gagnrýninn hátt með beitingu valdsins sem leyfir frávíkjandi sérfræðingum að fá sviðið fyrir boðskap sinn. Þessi afstaða er studd af siðferðisreglum blaðamanna.“
Rekja læknarnir á gagnrýninn hátt að opinberlega hafi verið skipað að loka öllu, vegna þess að um nauðsynlegar ráðstafanir gegn faraldrinum hafi verið að ræða og það hafi gert sérfræðingum á annarri skoðun erfitt uppdráttar að tjá sig.
„Aðrar skoðanir voru sniðgengnar og gerðar að athlægi. Við höfum ekki séð opna umræðu í fjölmiðlum þar sem aðrar skoðanir hafa fengið að koma fram á frjálsan hátt.“
Krefjast tafarlausrar rannsóknar á hlutverki WHO
Eftir að hafa bent á að þörf sé á að athuga hvernig neyðarlög og lokanir hafi skert mannréttindi fólks án nokkurs samræmis við raunveruleikann þá setja læknarnir fram kröfur m.a. um tafarlausa rannsókn á Helbrigðisstofnun Sameinuðu þjóðanna WHO sem þeir telja bera ábyrgð á gríðarlegu tjóni út um allan heim.
„Okkur hryllir við að ríkisstjórnin notfæri sér heilsumál til að koma á neyðarlögum…
Sem læknar og faglegt starfsfólk heilsugæslunnar og vegna veirunnar sem í dánartölum, sjúkdómseinkennum og smiti líkist tímabundinni inflúensu, þá getum við eingöngu hafnað þessum gríðarlegu og ofurhlutfallslegu aðgerðum.
– Við krefjumst því að aðgerðunum verði tafarlaust hætt
– Við drögum í efa lögmæti núverandi ráðgefandi sérfræðinga sem halda fundi á bak við luktar dyr
– Í framhaldi af ACU 2020 https://acu2020.org/nederlandse-versie/ þá förum við fram á djúpa rannsókn á hlutverki WHO og hugsanlegra áhrifa hagsmunaárekstra hjá stofnuninni. Stofnunin var leiðandi í baráttu gegn „upplýsingafaraldri“ þ.e.a.s. með kerfisbundna ritskoðun á öllum öðrum skoðunum í fjölmiðlum. Slíkt er óásættanlegt fyrir lýðræðislegt réttarfarsríki.“
Hér má sjá bréfið og skrifa undir og undirskriftir má sjá hér
