Óskar Reykdalsson forstjóri Heilslugæslunnar á höfuðborgarsvæðinu segist aðspurður ekki vita hvað sé í sprautuefnunum sem notuð eru gegn Covid að öðru leyti en því að að þau innihaldi mRNA gerviveiru og staðfestir að hér sé um líftæknilyf að ræða og því algjörlega frábrugðið því innihaldi sem áður hafi verið notað sem bóluefni gegn margvíslegum farsóttum. . Þetta sagði Óskar aðspurður, við Arnþrúði Karlsdóttur útvarpsstjóra en hann var gestur í síðdegisútvarpinu í dag.
Óskar staðfesti að hér væri um tilraunaefni að ræða og benti Arnþrúður á að samkvæmt samningi þá yrði þessi rannsókn yfirstandandi til áranna 2023 -2024. Óskar sagði að það tæki of langan tíma að leita eftir upplýstu samþykki einstaklinga eins og lög um vísindarannsóknir á heilbrigðissviði gerðu ráð fyrir og því hefði verið farin sú leið að boða fólk í bólusetningu með sms símboðum í gegnum Heilsuveru, fyrst og fremst til að flýta sprautumeðferðinni.
Veit ekki hvort fólk sé upplýst um innihald efnanna
Aðspurður um hvað hann vilji segja við þá sem óttist að taka þátt í tilrauninni og að láta bólusetja sig með líftækni tilraunalyfi segir Óskar að hann treysti sóttvarnalækni, að hann sé að taka skynsamlega ákvörðun um notkun þessara efna og segist í raun sannfærður um að svo sé. Óskar segist hinsvegar ekki vita, hvort fólk sé almennt upplýst um innihald sprautuefnanna en Lyfjastofnun hafi upplýsingar um þau og taki ákövrðun hvort þau séu heimiluð til notkunar eða ekki. Fólk geti leitað sér upplýsinga hjá Lyfjastofnun um þessi sprautulyf,
Þá segir Óskar aðspurður um hvort bólusettir eigi að halda sig til hlés fyrstu vikuna eftir bólusetningu, vegna möguleika á að spike próteinin, sem eru í sprautuefnunum geti myndað ný afbrigði, og úðað þeim frá sér. Óskar svaraði því til að það eigi alltaf að fara varlega fyrst um sinn eftir bólusetningu. Bólusetningin hafi tekist vel hingað til en það væri óvissa um það sem framundan væri nema að það yrði farið í barnabólusetningar eftir áramót. Arnþrúður spurði þá Óskar hvað yrði gert ef Alþingi samþykkti ekki bólusetningar á börnum sagðist hann ekki hafa hugleitt það en vissulega væri þá komin upp sérkennileg staða.
Arnþrúður spurði Óskar einnig um hvernig á því standi að í löndum þar sem mikill meirihluti hafi verið bólusettur séu smit farin að blossa upp, mun meira en í löndum þar sem lítið sem ekkert er bólusett. Óskar sagði að hann hafi ekki svör á reiðum höndum varðandi það atriði.
Hlusta má á viðtalið í spilaranum hér að neðan
