Það er afar slæmt þegar dómstóll götunnar tekur menn fyrir óháð því hvort sögusagnir séu um þá séu sannar eða ekki, það er einfaldlega ekki almennings að dæma í málum. Þetta var meðal þess sem fram kom í máli Brynjars Níelssonar þingmanns Sjálfstæðisflokksns og Ingu Sæland í þættinum Fréttir vikunnar í dag en þau voru gestir Arnþrúðar Karlsdóttur.
Í þættinum var meðal annars rætt um mál Sölva Tryggvasonar og þá múgæsingu sem átti sér stað í kringum málið. Þau Inga og Brynjar voru sammála um að umræðan um það mál hafi ratað í afar slæman farveg en eins og kunnugt er birti aðeins einn fjölmiðill, Mannlíf frétt þess efnis að sögusagnir um að þjóðþekktur maður hefði ráðist á vændiskonu og steig Sölvi síðar fram og sagði sögusagnirnar sem væru um hann ósannar.
Aðspurður um hvort fjölmiðlaumfjallanir um mál af svipuðu tagi og mál Sölva geti haft áhrif á lögreglu og dómstóla segir Brynjar að framsetning mála á opinberum vettvangi, t,d í fjölmiðlum hafi alltaf ákveðinn tilgang og og geti stundum endað illa vegna múgæsingar og nefnir Brynjar í því sambandi viðfræg mótmæli fyrir utan lögreglustöðina á Hverfisgötu vegna nauðgunarmáls þar sem lokaniðurstaðan var að þeir sem höfðu þar verið sakaðir um nauðgun reyndust saklausir.
Hlusta má á viðtalið í spilaranum hér að neðan
