Pelosis fjölskyldan virðist jafn spillt og Biden -fjölskyldan og Clinton hjónin og tekur þátt í viðskiptum um allan heim. Þessar glæpafjölskyldur hata fv. forseta Bandaríkjanna Donald Trump. Það skiptir Pelósí ekki máli, þótt hún seti þriðju heimsstyrjöldina af stað, ef hún fjölskyldan getur grætt á því. Staðfest er að Paul Pelósí júníor var með móður sinni í þessari viðskiptaferð.
Pelósí fundaði með stjórnarformanni stærsta hálfleiðarafyrirtækis heims
Lítið hefur verið rætt um þann þátt í ferð bandaríska þingforsetans Nancy Pelosi til Taívan að funda með Mark Lui, stjórnarformanni Taiwan Semiconductor Manufacturing Corporation (TSMC). Ferð Pelosi fór saman við tilraunir Bandaríkjanna að fá TSMC, sem er stærsti framleiðandi hálfleiðara í heimi og Bandaríkin eru mjög háð, – að byggja verksmiðju í Bandaríkjunum og hætta að framleiða háþróaða hálfleiðara fyrir kínverska markaðinn.
Sjálfstjórn Taívans hefur á undanförnum árum orðið sífellt mikilvægara hagsmunamál fyrir Bandaríkin, vegna yfirburðar eyjunnar í framleiðslu hálfleiðara, sem notaðir er í tölvum og rafeindatæknum m.m.
Hálfleiðarar – einnig þekktir sem tölvukubbar eða bara flögur – eru nauðsynlegir í öllum nettækjum í daglegu lífi nútímafólks. Hálfleiðarar eru einnig nauðsynlegir í nútíma hertækni. Umbreytandi, ofurhraðvirkt 5G internet gerir heim tengdra tækja af öllum gerðum mögulegan og þar með nýja gerð nettengdra vopna. Bandarísk hálfleiðarahönnunarfyrirtæki eins og Intel eru mjög háð birgðakeðjum í Asíu til að framleiða vörur sínar.
Taívan er á sviði hálfleiðara eins og Sádi-Arabía er með olíuna
Líkja má stöðu Taívans í heimi hálfleiðaraframleiðslu við stöðu Sádi-Arabíu í OPEC. TSMC hefur 53 % markaðshlutdeild á markaði hálfleiðara. Aðrir framleiðendur í Taívan gera tilkall til 10% af markaðnum til viðbótar.
Í 100 daga endurskoðunarskýrslu Biden-stjórnarinnar segir:
„Bandaríkin eru mjög háð einu fyrirtæki – TSMC – til að framleiða leiðandi hálfleiðara.“ Sú staðreynd, að aðeins TSMC og Samsung (Suður-Kórea) geta búið til fullkomnustu hálfleiðarana (fimm nanómetra að stærð) „setur aðfangakeðju til stuðnings núverandi og framtíðaröryggi [Bandaríkjanna] ásamt mikilvægum innviðaþörfum í hættu.“
Þetta þýðir, að langtímamarkmið Kína um að sameinast Taívan ógnar bandarískum hagsmunum í dag. Fyrir Bandaríkin er óhugsandi að TSMC gæti einn daginn verið á yfirráðasvæði Kína og í höndum kínverskra yfirvalda.
Hálfleiðarastríð Kína og Bandaríkjanna
Af þeim sökum hafa Bandaríkin reynt að laða TSMC til Bandaríkjanna til að auka innlenda flísframleiðslugetu sína þar. Fyrirtækið keypti lóð í Arizona árið 2021 með stuðningi Biden-stjórnarinnar, til að byggja bandaríska verksmiðju. Áætlað er að því verði lokið árið 2024.
Bandaríska þingið hefur nýlega samþykkt lög um hálfleiðara og geimtækni, sem veitir 52 milljarða dollara í styrki til hálfleiðaraframleiðslu í Bandaríkjunum. Skilyrði fyrir styrknum er, að fyrirtækin lofi að framleiða ekki háþróaða hálfleiðara fyrir kínverska markaðinn.
Þetta þýðir, að TSMC og aðrir þurfa að velja á milli þess að stunda viðskipti í Kína og í Bandaríkjunum. Án ríkisstyrkja verður framleiðslukostnaðurinn of hár í Bandaríkjunum. Allt er þetta því hluti af víðtækara „hálfleiðarastríði“ milli Bandaríkjanna og Kína, þar sem Bandaríkin stefna að því að hefta tækniþróun Kína og koma í veg fyrir að Kína verði tæknilegur brautryðjandi á alheimsvísu.
Bandaríkin og Kína leitast við að ná stjórn á framleiðslu hálfleiðara
Árið 2020 beitti Trump-stjórnin kínverska tæknirisanum Huawei refsiaðgerðum, sem voru hönnuð til að skera fyrirtækið frá TSMC. Huawei sem og aðrir tæknirisar þurfa að treysta á að fá hágæða hálfleiðara m.a. fyrir 5G kerfið. Refsiaðgerðirnar eru enn til staðar, því bæði repúblikanar og demókratar vilja koma í veg fyrir að önnur lönd noti 5G búnað Huawei.
Breska ríkisstjórnin hafði upphaflega ákveðið að nota Huawei búnað í ákveðna hluta 5G netkerfis Bretlands en refsiaðgerðir Trump-stjórnarinnar neyddu yfirvöld Bretlands til að snúa þeirri ákvörðun við. Lykilmarkmið Bandaríkjanna virðist því vera að ná eigin stjórn á aðfangakeðjum háþróaðra hálfleiðara m.a. fyrir 5G kerfi, sem felur í sér aðra háþróaða tækni í framtíðinni.
Ferð Pelosi til Taívan snýst því um meira en opinbera vináttuferð hátt setts embættismanns. Ferðin er einnig liður í hálfleiðarastríð Kína og Bandaríkjanna um hvort þeirra kemur sigrandi með yfirráðin yfir helstu framleiðslu hálfleiðar í heiminum.
