British Medical Journal, BMJ, upplýsti í vikunni að líklega hefði Pfizer stundað umfangsmikið svindl við þriðja fasa rannsókna á covid-bóluefni Pfizers haustið 2020. Fréttin orsakaði 20% lækkun verðbréfa Pfizers í síðustu viku. Núna krefst hópur sænskra lækna og vísindamanna, að bóluefni Pfizers verði stöðvað í Svíþjóð á meðan verið er að athuga málið.
Aðalvitni British Medical Journal er Brook Jackson, fyrrum svæðastjóri Ventavia Research Group í Texas, sem vann að tilraunum og þróun bóluefnis fyrir Pfizer. Samkvæmt vitnisburði hennar voru starfsmennirnir sem gerðu gæðaprófanir slegnir af öllum þeim göllum, sem þeir uppgötvuðu.
Meðal annars vitnar hún um að fyrirtækið hafi falsað tölur, ráðið ómenntað fólk og seinkað skýrslum um aukaverkanir sem komu fram í fas-III rannsókninni. Einnig hafði fyrirtækið áhrif á, hvernig sjúklingar greindu frá eigin upplifun af aukaverkunum bóluefnisins.
Sagði frá göllum og var rekin úr starfi sama dag
Jackson benti mörgum sinnum á gallana hjá Ventavia og sendi að lokum í septemer formlega kvörtun til Matvæla- og lyfjastofnun Bandaríkjanna FDA. Seinna sama dag var henni sagt upp störfum.
Til að styrkja vitnisburðinn, þá hefur Jackson látið BMJ í té mikið magn upplýsinga eins og prentuð gögn, ljósmyndir, hljóðbönd og tölvupóst. BMJ hefur einnig tekið viðtöl við aðra fyrrverandi starfsmenn Ventavia.
Þrátt fyrir uppljóstrun Jackson til Matvæla- og lyfjastofnun Bandaríkjanna, þá gerði FDA aldrei neina athugun á starfseminni, þar sem Brook Jackson starfaði. Staðreyndin er sú, að FDA rannsakar mjög sjaldan klínískar prófanir.
FDA birti í ágúst 2021 samantekt um fjölda athuguna á rannsóknum Pfizers á bóluefni gegn covid. Kom þá í ljós, að FDA hafði einungis rannsakað 9 af 153 stofum, þar sem unnið var að þróun covid-bóluefnis fyrir Pfizer eða um 6%.
„Traustið á bóluefninu horfið“
Núna krefjast læknar í hópnum „Læknauppreisnin“ í Svíþjóð, að covid-bóluefni Pfizer verði stöðvað. Í fréttatilkynningu segja þeir, að traustið á bóluefninu sé horfið. Þeir benda einnig á gríðarlegan fjölda tilkynninga um aukaverkanir vegna bóluefnisins.
Fram að 20. september 2021 bárust 76 295 tilkynningar um grun á aukaverkunum vegna covid-bólusetninga í Svíþjóð og af þeim voru á sjöunda þúsund taldar vera alvarlegar.
Sænska Læknablaðið skrifar, að það megi bera saman við, að samtals komu 7 999 tilkynningar í fyrra um aukaverkanir allra annarra 25 000 lyfja sem notuð eru í Svíþjóð. Grunur um aukaverkanir av covid bóluefnum er þannig meira en tíu sinnum stærri en af öllum öðrum lyfjum samanlagt.
Skaðsamleg áhrif á lífmóður og frjósemi
Það sem veldur einna mestum áhyggjum eru dæmi um hjartavöðvabólgur og bólgur í hjartaholi og einnig skýrslur um alvarlegan skaða á lífmóður og frjósemi.
Að klíniskar prófanir á bóluefni Pfizers hafa ekki verið gerðar samkvæmt ströngustu kröfum læknavísindanna er dropinn sem fyllir mælirinn, telja sænsku vísindamennirnir. Það er ekki hægt að treysta niðurstöðum rannsóknanna, segja þeir. Benda þeir á að hverfandi virkni bóluefnisins til viðbótar öllum tilkynningum um aukaverkanir verði að taka alvarlega.
Sænsku læknarnir vilja því, að tafarlaust verði hætt að bólusetja með bóluefni Pfizers gegn Covid-19, þar til nákvæm áhættugreining og rannsóknir hafa verið gerðar.
