Píratar eru ekki hrifnir af því að stjórnmálamenn séu að móta stjórnarskrána með bútasaumsaðferðum sem einkenna þá vinnu í stjórnarskrármálinu sem nú er verið að vinna með Katrínu Jakobsdóttur forsætisráðherra í fararbroddi.
Þetta var meðal þess sem fram kom í máli Halldóru Mogensen þingmanni Pírara í síðdegisútvarpinu í dag en hún var gestur Péturs Gunnlaugssonar. Halldóra segir að stefna Pírata í stjórnarskrármálinu sé skýr
“ það á að byggja stjórnarskrána á þeirri vinnu sem var unnin í stjórnlagaráðinu að undirlagi almennings, stjórnmálamenn eiga ekki að vera að breyta atriðum eftir því sem hentar þeim„,segir Halldóra.
Hún segir Pírata þó vinna að stjórnarskrármálinu með opnum huga
“ en við höfum ekki tekið neina afstöðu hvort við munum samþykkja þessar breytingar, okkar stefna er þessi að stjórnarskráin á að koma frá fólkinu„.
Hlusta má á þáttinn í spilaranum hér að neðan.
