Miklir heilar hugsa eins
„Eftir þingkosningarnar er Svíþjóð orðið að fasistaríki og líklega verða ekki fleiri virkar kosningar í landinu“ að sögn blaðamannsins og „fasismasérfræðingsins“ Henrik Arnstad. Arnstad er þekktur áhrifavaldur meðal krata og frjálshyggjumanna og skrifar oft greinar í Dagens Nyheter. Frá þessu greinir netmiðillinn Frjálsir Tímar.
Poppsöngkonan Dilba Demirbag harmar í færslu á Facebook, að „draumurinn um kvenkyns forsætisráðherra“ hafi verið kveðinn niður af feðraveldinu með kosningaúrslitunum í Svíþjóð. Hún segist ætla að virkja konur fyrir næstu kosningar.
Blaðamaðurinn Henrik Arnstad, sem þekktur er frá Dagens Nyheter, svarar færslu Demirbag og fullyrðir, að líklegast verði engar fleiri lýðræðislegar kosningar í Svíþjóð í framtíðinni.
Þegar Dilba spyr hvað hann eigi við með því og þá svarar Arnstad:
„Þeir brúnbláu munu eyðileggja lýðræðið, loka fjölmiðlum sem gagnrýna ríkisstjórnina og eyðileggja möguleika á starfshæfum kosningum í framtíðinni. Fasismi.“
Einn þeirra sem gefur samtalinu gaum er borgaralegi álitsgjafinn Thomas Gür.
„Great minds think alike“ eða „Miklir heilar hugsa eins“ skrifar hann á Facebook.
Henrik Arnstad var áður meðal annars í þjónustu fyrrverandi forsætisráðherra Svíþjóðar, Stefan Löfven, sem sérfræðingur í því, að Svíþjóðardemókratar séu fasistar. Engu er líkar en jafnaðarmenn sjái ekki fram hjá eigin draugum, sem þeir eru allan tímann að slást við.
