Bjarni Benediktsson fjármála- og efnahagsráðherra sótti í gær árlegan fund ráðherra fjármála- og efnahagsmála í ríkjum Evrópusambandsins, Ecofin, og EFTA. Fundurinn fór fram í Brussel.
Á fundinum var einkum rætt um sjálfbær fjármálakerfi og græna fjármögnun ríkjanna. Einnig var farið yfir stöðu efnahagsmála í EFTA-ríkjunum. Fjármála- og efnahagsráðherra ræddi stöðu og þróun efnahagsmála á Íslandi auk þess að greina fyrstu útgáfum grænna skuldabréfa á Íslandi, en Landsvirkjun hefur nýlega lokið við útgáfu slíkra bréfa. Í fréttatilkynningu er ekki tilgreint nánar hvað felst í slíkum bréfum.
Í tengslum við fundinn var einnig haldinn sérstakur fundur fjármálaráðherra EFTA ríkjanna þar sem var m.a. rætt um framkvæmd EES-samningsins og innleiðingu evrópureglugerða í löndunum.