Það væri rétt að menn stöldruðu við og veltu fyrir sér hvort skaði af notkun bóluefna sé meiri en af völdum Covid. Þetta var meðal þess sem fram kom í máli Guðmundar Karls Snæbjörnssonar sérfræðings í heimilislækningum í síðdegisútvarpinu í dag en hann var þar gestur Arnþrúðar Karlsdóttur.
Guðmundur bendir á að nú sé ýmislegt vitað sem ekki var vitað áður en bólusetningar hófust, til dæmis að ákveðnir þættir í bóluefnunum geti verið skaðlegir og eins og dæmin sanni, geti haft mjög alvarlegar afleiðingar. Hann segir nauðsynlegt að fara nánar ofan í það hvort valdi meiri skaða á heilsu og eða lífi, bólusetningar eða Covid.
Hann segir það að auki vera rangt að tala um bólusetningu því þetta sé í raun lyfjameðferð en ekki bólusetning.
Þá segir Guðmundur að of geyst sé farið af hálfu yfirvalda sem bólusetja hópa sem taldir eru í lítilli áhættu, verið sé að bólusetja þá algjörlega að óþörfu, og segir Guðmundur að þessu til stuðnings megi benda á að það séu engin vísindaleg rök fyrir því hvers vegna ætti til dæmis að bólusetja ungt fólk og börn.
Hlusta má á viðtalið í spilaranum hér að neðan
