Robert Malone: „Hreint hrollvekjuklám“ – Apabólan notuð til að hræða fólk

Bandaríski læknirinn og bóluefnabrautryðjandinn Robert Malone segir, að fréttaflóðbylgjan um apabólu sé „hrollvekjuklám“ fjölmiðla og yfirvölda.

Enn eitt dæmið um hvernig fjölmiðlar og stjórnvöld vinna saman að því að skapa enn meiri ótta meðal fólks

Í síðustu viku voru meginfjölmiðlar uppfullir af fréttum um apabólu en einungis nokkur tilfelli hafa fundist í hinum vestræna heimi. Eru þessi viðbrögð réttlætanleg?

Samkvæmt bóluefnisfræðingnum Robert Malone er þessi fréttafaraldur framhald af þeim hrollvekjuáróðri, sem hefur einkennt covid-19. Það fullyrði hann í viðtali við Steve Bannon.

Í síðustu viku greindi New York Post frá því, að eftir að einstaklingur í Massachusetts smitaðist með apabólu, þá hafi Bandaríkin pantað 13 milljón viðbótarskammta af „Jynneos“ bóluefni að verðmæti 119 milljóna dollara en bóluefnið er talið gagnast bæði gegn hlaupabólu og apabólu .

Robert Malone segir:

„Þetta er hreint hrollvekjuklám. Þegar ég horfði á CNN, þá sá ég hvernig þeir notuðu myndir af fólki, sem þjáðist af bólusótt, í þætti um apabólu.“

„Apabóla er engin ný veira. Hún tengist bólusótt. Það eru líka kúabóla og úlfaldabóla. Það er til fjöldi bólusóttarveira, sem eru alls ekki banvænar fyrir menn. Dánartíðni er innan við eitt prósent og smit dreifist aðeins með náinni snertingu. Þau tilfelli, sem hafa uppgötvast fram að þessu, hafa verið meðal karla sem hafa stundað kynlíf með karlmönnum. Apabóla hefur verið landlæg í Mið-Afríku líklega jafn lengi og maðurinn hefur verið til.“

Malone bendir á, að þau tvö afbrigði af apabólu, sem nú hafa fundist í nokkrum dreifðum tilfellum í hinum vestræna heimi, eru minnst sjúkdómsvaldandi.

„Svo er þetta þá bara enn meira hrollvekjuklám? Algjörlega. Þetta er enn eitt dæmið um, hvernig fjölmiðlar og stjórnvöld vinna saman að því að skapa enn meiri ótta meðal fólks.“

Félagsmálaráðherra Svíþjóðar segir að engin hætta sé á ferðum og ekki eigi að bera saman apabólu við covid-19 og hræða fólk

Sænsk stjórnvöld segja í samtali við SvD, að ekki eigi að líta á apabólu eins og covid og að engum svipuðum takmörkunum verði komið á – jafnvel þótt sýkingin hafi þegar verið flokkuð sem almennur hættulegur sjúkdómur.

Lena Hallengren félagsmálaráðherra Svíþjóðar segir í viðtali við SvD samtímis, sem hún telur, að menn eigi að vera á varðbergi:

„Allt er sett í samhengi við heimsfaraldurinn, sem við höfum haft í tvö ár. En það á ekki að bera saman apabólu við heimsfaraldurinn og hræða fólk. Það kemur málinu ekkert við.“

Viðtalið við Hallengren var tekið í Genf en hún tekur þar þátt í ársfundi Alþjóðaheilbrigðismálastofnunarinnar að sögn blaðsins. Á fundinum verður meðal annars rætt um apabólu.

Viðtalið við Dr. Robert Malone má sjá á myndbandiu hér að neðan

Deila