Bloomberg segir frá því, að rússneski gjaldmiðillinn, rúblan, sé núna sterkari en hún hefur verið í sjö ár.
Rússneska rúblan hækkaði upp á nýtt stig s.l. mánudag.
Í dag fær maður rúmlega 54 rúblur fyrir einn bandaríkjadal.
Þetta er hæsta gildi, sem rússneski gjaldmiðillinn hefur haft í sjö ár, síðan 2015.
Samkvæmt Bloomberg hefur rúblan aukist um 35 % árið 2022, sem er „leiðandi hækkun á heimsvísu sem helst óminnkuð jafnvel eftir … vestrænar refsiaðgerðir.“
Í byrjun mars, skömmu eftir refsiaðgerðirnar og árásina á Úkraínu, var andvirði eins dollara tæplega 140 rúblur. Viðbrögð Rússa við refsiaðgerðunum voru meðal annars að hækka vextina í 20 %. En þegar hefur tekist að lækka vextina um meira en helming, niður í 9,5 prósent.
Hins vegar er styrkur rúblunnar ekki bara af því góða, því það slár gegn samkeppnishæfni Rússlands á heimsmarkaði, skrifar TT. Nú er til skoðunar að miða við 70-80 rúblur á dollar. Með því að lækka kröfuna um nauðungarskipti á gjaldeyri er einnig vonast til að hægt verði að stjórna gildi rúblunnar.