Sænska fyrirtækið Mölnlycke Health Care hefur ekki getað afgreitt milljónir gríma og gúmmíhanska til Ítalíu eða Spánar, því Frakkar stöðva allar vörur frá Kína sem koma inn í landið og hleypa þeim ekki áfram vegna útflutningsbanns. Forstjóri fyrirtækisins Richard Twomey er ekki ánægður:
”Þetta er algjörlega óviðunandi. Ekkert af því sem við sendum inn í Frakkland fer áfram út úr landinu.”
Hegðun Frakka eykur verulega á erfiðleika sjúkrahúsa í Suður-Evrópu til að útvega öryggisbúnað til starfsmanna. Þá hafa Pólverjar lokað landamærum að Tékkalandi en margir Pólverjar vinna í verksmiðju fyrirtækisins í Tékkalandi sem framleiðir tæki til sjúkrahúsa sem m.a. eru notuð í Svíþjóð. Öll störf liggja núna niðri í verksmiðjunni.
Á meðan ESB-löndin rífast um aðföng til sjúkrahúsa, þá hafa Rússar m.a. sent mikinn fjölda vörubíla hlöðnum öryggisbúnaði og öndunarvélum til verstu svæða kórónufaraldursins á Ítalíu. Rússar sendu einnig 180 hersjúkraliða og sérfræðinga í smitvörnum í lífefnavopnastríði.
Þegar New York Times spurði fulltrúa Kreml Dmitry Peskov hvort Rússar vænti þess að Ítalir aflétti viðskiptahöftum ESB gegn Rússlandi, þá finnst honum spurningin fáránleg: ”Við tölum ekki um nein skilyrði eða útreikninga eða vonir um slíkt hér. Ítalía hefur greinilega mikla þörf á mun breiðari aðstoð og það sem Rússar koma með ráðum við vel við.”
