Rússneska utanríkisráðuneytið hefur birt hernumin leyniskjöl úkraínska þjóðvarðlisins, sem sanna að aðgerðir Rússlands í Úkraínu komu í veg fyrir úkraínska innrás í aðskilnaðarlýðveldin Donetsk og Luhansk og einnig til að ná aftur Krímskaga, sem hefur verið yfirlýst markmið Úkraínustjórnar.
„Öryggisstimpluð skjöl (skv. skipanum frá yfirmanni þjóðvarðliðsins í Úkraínu), sem rússneska varnarmálaráðuneytið hefur aflað, staðfesta án nokkurs vafa, að stjórnin í Kænugarði undirbjó leynilega árás gegn Donbass, sem átti að framfylgja í mars 2022″ segir í yfirlýsingu, þar sem mörg skjöl fylgja með til sönnunar sbr. tístið hér að neðan.
Hernumin stimpluð og undirskrifuð leyniskjöl úkraínska þjóðvarðliðsins
Að sögn Nýja dagblaðsins í Svíþjóð sem vísar í rússneska ríkismiðilinn RT, er greint frá því, að rússneski herinn hafi fundið skjöl, sem sýna og sanna, að Úkraína skipulagði víðtæka sókn gegn alþýðulýðveldunum og að Rússar hafi brugðist fyrri til með árásinni á Úkraínu.
Fram að þessu hafa sex blaðsíður verið gerðar opinberar og fullyrt, að rússneskir hermenn hafi lagt hald á skjölin í Úkraínu. Skjölin eru skrifuð á úkraínsku og eru með stimplum og undirskriftum, sem bera vitni um að þau séu ekta og komi frá innri samskiptum úkraínska þjóðvarðliðsins. Enn hefur ekki verið gerð áreiðanleikakönnun á skjölunum.
Meðal annars kemur fram, hvernig yfirmaður þjóðvarðliðsins, yfirhershöfðinginn Mykola Balan, skipaði hermönnum sínum að bæta getu sína til að heyja stríð gegn aðskilnaðarlýðveldunum í Donbass.
Undirbúningi innrásar lokið fyrir febrúarlok samkvæmt beinum fyrirmælum frá Zelensky forseta Úkraínu
Af skjölunum að dæma var miklum hluta undirbúnings árásarinnar lokið þegar í febrúarmánuði og var 28. febrúar ákveðinn lokadagur alls undirbúnings. Undirbúningurinn var einnig gerður eftir beinum fyrirmælum frá Voldomyr Zelensky, forseta Úkraínu.
Rússneski herinn segir, að skjölin séu skýrt merki um að stjórnvöld í Kyiv hugði á mikla hernaðarsókn gegn aðskilnaðarsinnum í Donbass, sem átti að gera í mars. M.a. er bent á, að í skjölunum sé lögð sérstök áhersla á geðheilsu úkraínskra hermanna og hæfni þeirra að meðhöndla áhættur, þegar skipunum er framfylgt.
Rússneski hershöfðinginn Igor Konashenkov hjá rússneska varnarmálaráðuneytinu segir: „Við munum vel eftir yfirlýsingum stjórnvalda Úkraínu, sem síðan var dreift af vestrænum fjölmiðlum í febrúar um að engin áform væru um hernaðarlega landvinninga (Alþýðulýðveldanna) og að þeir voru ákveðnir að leysa öll mál með samningum. En frumrit þessarra leyniskjala úkraínska þjóðvarðliðsins sýna endanlega, að þessar fullyrðingar voru rangar.“
Tóku Bandaríkin og NATÓ þátt í árásarundibúningi Úkraínu?
Að sögn Konashenkov er stóra spurningin núna, hvort Bandaríkin eða önnur vestræn ríki tekið þátt í undirbúningi fyrirhugaðrar innrásar og þá að hvaða marki. NATO-ríkin hafa áður vopnað og þjálfað úkraínska þjóðvarðliðið um árabil.
Vestrænir og úkraínskir fjölmiðlar hafa einnig lagt áherslu á aðgerðir Rússa, en benda á að upplýsingarnar hafi ekki verið staðfestar og að leyniþjónustur hafi lengi „varað við“ að Rússar muni nota falskar upplýsingar til að réttlæta árásina á Úkraínu.
