Sænska ríkisstjórnin flýgur sænskum ÍSIS hryðjuverkakonum til Svíþjóðar – tvær af þremur grunaðar um þjóðarmorð

Kratar í ríkisstjórn Svíþjóðar senda heimboðsnefnd til Sýrlands til að flytja heilagastríðskonur og glæpafólk til Svíþjóðar. Þrjár lentu í Stokkhólmi í gær og tvær þeirra umsvifalaust handteknar grunaðar um glæpi gegn mannkyni. (Sksk Twitter).

Mikið af konum heilagastríðsmanna eru í haldi í Sýrlandi en nýlega var þremum sænskum hryðjuverkakonum vísað burtu úr landi þar og þá sendi sænska ríkisstjórnin „Verið velkomnar heim” nefnd til Sýrlands og flaug þremur slíkum sænskum konum ásamt sex börnum þeirra til Svíþjóðar. Er þetta fyrsti flutningurinn af fleirum, sem ríkisstjórn sósíaldemókrata áætlar að flytja inn af sænskum hryðjuverkamönnum til Svíþjóðar núna í september en reiknað er með um tug kvenna og tveimur tugum barna í þessum mánuði. Með þessu gengur sænska ríkisstjórnin gegn ráðum hryðjuverkasérfræðinga eins og Magnus Ranstorp, sem eindregið hafa afráðið að flytja inn hryðjuverkafólk, sem yfirgefið hefur landið til að taka þátt í viðbjóðslegum manndrápum og þjóðarmorðum.

Engir venjulegir Svíar sem hafa farið í sumarfrí og villst af leið – kratar neita að svipta heilagastríðsmönnum sænskum ríkisborgararéttindum

Í umræðum sænska sjónvarpsins sagði fulltrúi Móderata, að svipta bæri Svía sænskum ríkisborgararéttindum, sem þeir hefðu misnotað til þess að taka þátt í blóðugu heilögu stríði öfga íslamskra hryðjuverkasveita á borð við Íslamska ríkið. Fulltrúi ríkisstjórnarinnar sagði hins vegar, að Svíþjóð „bæri skylda til að bjarga eigin meðborgurum sem vísað væri úr öðrum löndum” burtséð frá ástæðu brottrekstrarins.

Shiyar Ali Svíþjóðarfulltrí sýrlenska sjálfstjórnarsvæðis Kúrda segir í viðtali við sænska sjónvarpið, að „konurnar ógna örygginu. Þær eru sænskir ríkisborgarar sem hafa gerst sekar um hræðilega glæpi gegn Kúrdum. Þetta eru engir venjulegir Svíar, sem hafa farið í sumarfrí og villst af leið. Þetta er róttæknivætt fólk sem hafa framið glæpi gegn mannkyni. Ég vonast eftir því að Svíþjóð athugi möguleikana á að draga þær fyrir dómstól.”

Tvær kvennanna handteknar við komuna til Svíþjóðar grunaðar um stríðsglæpi og þjóðarmorð

Skv. SVT er ein kvennanna grunuð um stríðsglæpi, þjóðarmorð og brot gegn mannréttindum. Ola Österling hjá lögreglunni í Stokkhólmi segir, að „lögreglan hafi handtekið tvær kvennanna að tilskipun saksóknara, sem ákvað að þær skyldu handteknar við komuna til Svíþjóðar.”

Sjá nánar hér, hér og hér

Athugasemdir

athugasemdir

Deila