Sænskur yfirlæknir varar við að covid-bóluefni skapi árásargjarnt krabbamein

Yfirlæknir sem starfar innan Kalmar-léns varar við því, að bóluefni gegn covid-19 geti valdið árásargjörnu krabbameini, segir í frétt sænska ríkisútvarpsins P4 Kalmar. Ýmsir aðrir læknar vara einnig við því sama.

Mikill ágreiningur um afleiðingar bóluefnanna

Í fyrra var hlegið að þeim, sem vildu ekki láta bólusetja sig s.k. „anti-vaxxers.“ En hláturinn hefur þagnað. Núna heldur yfirlæknir í Kalmar, Svíþjóð, því fram, að hið svokallaða covid-bóluefni geti valdið krabbameini, – árásargjörnu brjóstakrabbameini. Yfirlæknirinn, sem starfar í Kalmar-léni, hefur um nokkurt skeið haldið fyrirlestra um að Covid-bólusetning geti leitt til krabbameins. Að sögn sænska ríkisútvarpsins hefur boðskapur hans náð til „hundruði þúsunda manna“ í Svíþjóð og Evrópu.

Í öðrum löndum hafa læknar einnig varað við því, að lyfið valdi krabbameini. Að sögn bandaríska sérfræðilæknisins Ryan Cole (sjá tíst neðst á síðunni) er þetta vegna þess, að einn af móttökurum líkamans, sem sér um það að mestu leyti að halda krabbameini í skefjum, verður heftaður.

Sænski yfirlæknirinn er enn að störfum og innan lénsis eru ekki áform um að grípa til sérstakra aðgerða gegn honum. Samkvæmt Johan Rosenqvist, heilbrigðis- og sjúkrahúsastjóra Kalmar-léns, þá talaði læknirinn sem einkaaðili, sem hann á fullan rétt á að gera.

En Johan Ahlgren, framkvæmdastjóri Krabbameinsmiðstöðvar Mið-Svíþjóðar, er á annarri skoðun. Hann líkir því við skemmdarverk að tala um hættulegar aukaverkanir covid-bóluefna:

„Á sama tíma og lénið eyðir miklu fé í að bólusetja íbúana og eyðir líka miklu fjármagni í að meðhöndla fólk með covid, þá tel ég, að þetta sé skemmdarverk.“

Í sænska útvarpinu er því haldið fram, að engar vísbendingar séu um tengsl á milli bóluefnanna og krabbameins.

Sænska Læknauppreisnin skrifar á Twitter: „Brjóstakrabbamein hefur aukist með næstum 15% ár 2021.“

Deila