Stern segir frá spillingu innan Sameinuðu þjóðanna og hefur fengið sannanir fyrir því að flóttamannastofnun SÞ, UNHCR, stundar ólöglegt mannsal. Fyrir mótsvarandi 325 þúsund króna greiðslu hafa starfsmenn UNHCR útbúið falska pappíra og sett upp „flóttamenn“ á hinn eftirsótta lista UNHCR yfir kvótaflóttafólk. UNHCR segist núna vera að athuga svindl í Kenya og Uganda.
Lönd í Evrópu þar á meðal Ísland, taka á móti flóttamönnum samkvæmt skjölum SÞ og standa í þeirri trú að hér sé um „verst settu“ flóttamennina að ræða. Í mörgum tilvikum er málin alls ekki þannig, – þetta fólk hefur haft efni á að borga múturnar til UNHCR og svindla sér fram hjá öðrum meira þurfandi flóttamönnum inn á listann.
Að spilling þrífst hjá UNHCR er gömul saga. Árið 2001 komst upp um starfsmann sem tók á móti tugum milljóna í mútugreiðslur. Sami hlutur var upp á teningnum 2017 og núna aftur í sambandi við kvótaflóttafólkið.
Ísland hefur nýverið hækkað fjárframlög sín til UNHCR og greiðir um 62 miljónir kr árlega og að auki 25 miljónir kr í Global Appeal. Ísland sendir sendinefndir víða um heim til að velja flóttamenn skv. lista UNHCR og ætlar að auka fjölda hælisleitenda á Íslandi. Bætist allur sá ferðakostnaður við beinu gjöldin sem íslenskir skattgreiðendur þurfa að greiða.
