Arnar Þór Jónsson lögmaður og fyrrverandi héraðsdómari hefur fyrir hönd samtakanna Frelsi og ábyrgð lagt fram kvörtun til landlæknis vegna villandi framsetningu sóttvarnalæknis á gagnsemi þess að bjóða
heilbrigðum 5-11 ára börnum bólusetningu gegn Covid-19 með Comirnaty bóluefninu.
Í kvörtuninni er þess jafnfram krafist að landlæknir leggi fyrir sóttvarnalækni að stöðva bólusetningar 5-11 ára barna með Comirnaty, þar til embættið hefur gert úttekt á áreiðanleika þess.
Í kvörtunni segir meðal annars
„Upplýsingagjöf sóttvarnalæknis hefur einkennst af rangfærslum sem miða að því að skapa óraunhæfar væntingar til gagnsemi bóluefnisins og gert lítið úr þeirri áhættu sem fylgir bóluefninu til skemmri og lengri tíma. Omicron afbrigðið er þegar orðið 90% greindra smita. Virkni Comirnaty bóluefnisins gegn omicron hjá börnum hefur alls ekki verið rannsökuð. Notkun þess er því ólögleg tilraun til að kanna tilgátu sóttvarnalæknis um góða virkni bóluefnisins gegn þessu nýja afbrigði.“
Þá segir í erindinu að sóttvarnalæknir hafi sýnt af sér vítaverða vanrækslu með því að ýkja hættuna af omicron afbrigðinu og með því að hafa haldið því fram að bólusetning veiti góða vörn gegn afbrigðinu þrátt fyrir að engar rannsóknir staðfesti það.
Smelltu hér til þess að skoða erindið
