Sú fyrirætlun forstæðisráðherra að ætla skipa sérstsakan starfshóp vegna meintrar aukningar hatursorðræðu er eitt af gæluverkefnum Worl Ecconomic Forum og tengist því að verið er að koma á einni heimsstjórn. Þetta var meðal þess sem fram kom í spjalli Arnþrúðar Karlsdóttur útvarpsstjóra og Péturs Gunnlaugssonar í símatímanum í morgun.
Fróðlegt að sjá hverjir munu verða skipaðir í nefndina
Arnþrúður benti á að þessi stefna á að koma á einni heimsstjórn birtist til dæmis í því að WHO sé ætlað að hafa allsherjarvald yfir heilbrigðismálum landa og það megi helst ekki gagnrýna það. Um sé að ræða ákveðið handrit sem Íslendingar fari ekki varhluta af því verið sé að draga Ísland inn í þetta allt saman. Arnþrúður segir fróðlegt að sjá hverjir muni skipa hatursorðræðunefndina og að þar verði líklega kunnugleg nöfn sem eigi eftir að koma upp úr hattinum.
„það er verið að breyta gildismati Íslendinga og til þess að stofnun sé stofnun þurfi hún að uppfylla ákveðnar reglur og hafa ákveðið norm sem eru viðurkennd og gildi og gildismat. Nú er verið að taka gildismatið til endurskoðunar sem á að gilda fyrir Ísland, það eru þessir innviðir í slíkum stofnunum, enn eitt báknið sem verið er að búa til, vanvirðing við stjórnarskrána er ekki nýr hlutur af því sem menn sjái á Íslandi og ætla mætti að verulega væri gengið nálægt stjórnarskránni i þessu máli, greinilega sé það fyrirhugað að beita sértækum aðgerðum gagnvart þeim sem hugsanlega gætu verið með slíkan áróður eða slíkt tal“ segir Arnþrúður.
Skelfileg stefna sem verið er að hella yfir þjóðina
Þá segir Arnþrúður að þá sé sú spurning sem komi upp hverjir það eru sem eigi að meta hver gerist sekur um slíka orðræðu og hvernig eigi að meta það, hvort það sé einhver nefnd, Forsætisráðuneytið eða hver það verður ef það eigi að víkja dómstólameðferðinni til hliðar.
„þannig þetta er ákveðið gæluverkefni sem við getum beinlínis rakið til World Ecconomic Forum og þeirrar stefnu sem búið að tengja okkur svo óbærilega við án þess að við höfum verið spurð, við höfum enga heimild til þess að framselja þessi völd. Það er verið að framselja heilbrigðisvald og stjórnun yfir heilbrigðismálum og við eigum bara að lúta ákvörðunum erlendra aðila án þess á nokkurn háttt að mega gagnrýna það og þetta er jafnvel ekki einu sinni kæranlegt, þetta er skelfileg stefna sem verið er að hella yfir þjóðina“ segir Arnþrúður.
Hlusta má á þáttinn í spilaranum hér að neðan
