Það styttist óðum í að Alþjóðaheilbrigðismálastofnunin fái í hendur gríðarleg völd yfir ákveðnum hluta heilbrigðismála Evrópu, þar á meðal Íslandi sem felst í að stofnunin ákveður samræmd viðbrögð við heimsfaröldrum brjótist þeir út og miklar valdheimildir þar af lútandi. Þetta var meðal þess sem fram kom í símatímanum í dag en þar ræddi Arnþrúður Karlsdóttir við hlustendur.
Arnþrúður benti á í þættinum að afskaplega stutt sé í að þetta valdaframsal til WHO verði undirritað því það þurfi að vera undirrita það fyrir 22.maí næstkomandi ætli löndin að taka þátt. Hér á landi er gert ráð fyrir að Ísland verði meðal þeirra 194 þjóða sem ætla með þessum hætti að framselja hluta af valdi sínu til WHO, sem er hluti af því ferli að koma á einni heimsstjórn.
Samkvæmt þessari áætlun er ríkjunum gert að deila heilbrigðisupplýsingum sín á milli í þeim tilgangi að finna leiðir til þess að koma í veg fyrir heimsfaraldur og þá fá í samkomulaginu ríkisstjórnir þessara landa vald til þess að lýsa yfir neyðarástandi telji þær ástæðu til án þess að þingið í viðkomandi völdum komi að þeirri ákvörðun. Því getur WHO þar með tekið stjórnvaldsákvarðanir fyrir Ísland án aðkomu þess, og bendir Arnþrúður á að þetta sé að eiga sér stað án þess að umræða um þetta mikilvæga mál fari fram.
Þetta þýðir að þjóðin þarf að fara að þeim ákvörðunum sem WHO tekur.
„hvort að öll þjóðin yrði núna skyldubólusett eða eitthvað annað álíka, þeir geta sprautað okkur með hverju sem er og það er að koma í ljós núna að þeir hafa ekki hugmynd um hvað var í þessum sprautum sem þjóðin var sprautuð með, innihaldsefnum sem framleiðendur vildu hafa 75 ára leynd yfir og okkur er ekkert sagt frá þessu“sagði Arnþrúður.
Hlusta má á þáttinn í spilaranum hér að neðan
