Sögur ganga um að meðlimir ANTIFA hafi ráðist inn í þinghúsið í gerfi stuðningsmanna Trumps

Stuðningsmaður Trumps lýsir hvernig meðlimir ANTIFA klæddir sem stuðningsmenn Trumps unnu spjöll í þinghúsinu

The Washington Times birti frétt um að meðlimir ANTIFA hafi greinst meðal stuðningsmanna Trumps með andlitssamanburði í forriti fyrirtækisins XRVision. Segir í greininni að „liðsforingi á eftirlaunum hafi sagt The Washington Times að fyrirtækið XRVision hafi notað forrit sitt til að greina andlit mótmælenda á myndum og fundið a.m.k. tvo meðlimi ANTIFA frá Philadelphia inni í þinghúsinu.” Einnig er sagt frá því að annar maður hafi greinst inni í þinghúsinu sem „tekið hefur þátt í mótmælum Black Lives Matter.”

Segja myndir fyrirtækisins einkamál

ANTIFA hefur áður kvatt meðlimi sína til að dulbúast „sem stuðningsmenn Trumps með MAGA húfur og bandaríska fánann.”

Þessi frétt hefur farið víða um heim en The Washington Times hefur fjarlægt fréttina af heimasíðunni eftir að fulltrúi XRVision krafðist þess að blaðið bæðist opinberlega afsökunar á skrifum sínum um málið. The Washinton Times sagðist hafa fengið afrit af XRVision ANTIFA myndum frá liðsforingja á eftirlaunum en skv. yfirlýsingu XRVision segir að fyrirtækið hafi hvorki afhent The Washington Post né neinum liðsforingja á eftirlaunum afrit af myndum fyrirtækisins og ekki leyft birtingar á neinum myndum. „Skilgreining myndanna sem við gerðum var dreift til fárra einstaklinga sem einkamál og ekki til birtingar. XRVision er stolt af tæknilegri nákvæmni sinni og fordæmir birtingu The Washington Times sem ósanna, misvísandi og skaðlega.”

Fjórar rútur með meðlimum ANTIFA dulbúnum sem stuðningsmenn Trumps

Miðillinn VillageNews segir samkvæmt heimildum stuðningsmanna Trumps að fjórar rútur með ANTIFA meðlimum hafi komið til Washington í dulargerfi sem stuðningsmenn Trumps til að valda spjöllum og uppþoti við þinghúsið.

Mynd af BLM stuðningsmanni með MAGA húfu sem stuðningsmaður Trump

Þá ganga einnig myndir á netinu af mönnum í þinghúsinu sem sumir telja vera af meðlimum Black Lives Matter en aðrir segja vera myndir af meðlimum QAnon hreyfingarinnar sem m.a. berst gegn barnaníði. Eru margar sögur í gangi og eflaust ekki allar réttar, en það hefur vakið mikla athygli að Twitter bannaði myndband með Bandaríkjaforseta, þar sem hann hvatti stuðningsmenn sína til að fara frá þinghúsinu og vera ekki að blanda sér í lætin. Engu er líkar en að yfirlýsingar Bandaríkjaforseta megi ekki ná til eyrna fólks, þær ganga þvert á lygamynd sumra fjölmiðla um „landráðamann sem hvetur til obeldis og valdaráns.” Trump sendi frá sér mörg tíst í gærkvöldi til að stilla til friðar eins og sjá má í fréttum gærdagsins hér á heimasíðu Útvarps Sögu.

Fréttir um meðlimi Antifa fóru víða um netið í gær




Athugasemdir

athugasemdir

Deila