Tilraunin að bola Bandaríkjaforseta úr embætti vegna afskipta af innanríkismálum Úkraínu er m.a. rakin til samtakanna OCCRP sem eru fjármögnuð af George Soros og þróunarsjóði Svíþjóðar SIDA. Mætir það mikilli gagnrýni í Bandaríkjunum.
Árið 2016 kom fyrrverandi varaforseti Bandaríkjanna Joe Biden í veg fyrir að úkraínski saksóknarinn Viktor Sjokin rannsakaði orkufyrirtækið Burisma Holdings en sonur Bidens Hunter var í stjórn fyrirtækisins.
Á myndbandi frá þeim tíma sést Biden gorta sig af því að hann hafi látið reka saksóknarann úr starfi í Úkraínu, Biden setti fram þá kröfu fyrir lánveitingu Bandaríkjamanna til Úkraínu að saksóknarinn yrði rekinn:
”Ég sagði við þá að ég væri að fara eftir sex tíma og ef saksóknarinn væri ekki rekinn þá fáið þið ekki peningana. Og viti menn! Þeir ráku hann” segir Biden.
https://twitter.com/RealSaavedra/status/1175471237138485249
Í frægu símtali við nýkjörinn forseta Úkraínu, Volodymyr Zelenskyj í júlí s.l. segir Trump:
”Biden montaði sig út um allt að hann hefði stoppað ákæruna svo ef þú gætir kíkt á það….hljómar ömurlega í mínum eyrum.”
Afhjúpari innan bandarísku leyniþjónustunnar upplýsti um samtalið í skýrslu og á grundvelli hennar hafa Demókratar hafið ríkisréttarferli gegn Donald Trump til að velta honum úr embætti. https://www.nytimes.com/interactive/2019/09/26/us/politics/whistle-blower-complaint.html
Í viðtali við Fox News ásakar Joe diGenova, fv. saksóknari Washington DC, auðjöfurinn George Soros fyrir að liggja að baki ríksréttarmálaferlunum gegn Trump https://www.youtube.com/watch?v=OS0HcD2Kkvg M.a. framleiddu samtök styrkt af George Soros áróður gegn Viktor Sjokin saksóknara Úkraínu til að fá henn rekinn úr embætti.
”Skítugir peningar Soros sjást frá fyrsta degi í þessu máli,” segir Joe diGenova.
Victoria Toensing samstarfsaðili Joe diGenova var með í þættinum og sagði að skýrsla uppljóstrarans væri full af tilvitnunum til OCCRP sem fær fé frá Open Society sem eru fjármögnuð af George Soros. SIDA þróunaraðstoð sænska ríkisins er einn styrktaraðili OCCRP og hefur það vakið athygli á félagsmiðlum í Svíþjóð.
”Af hverju eiga sænskir skattgreiðendur að vera að fjármagna nornaveiðar og ríkisréttarhöld gegn bandarískum forseta?” tístir einn Svíinn.
https://twitter.com/AvecFrontieres/status/1177896025689874432