Svar Ungverja við nýrri öldu flóttamanna: „Við rekum alla út sem koma yfir landamærin”

George Soros og Viktor Orbán

Viktor Orbán forsætisráðherra Ungverjalands sagði í viðtali við ungverska útvarpið, að „George Soros og starfshópar hans skipuleggja innflutning fólks” á Balkan skaganum. Þetta kemur fram á heimasíðu ungversku ríkisstjórnarinnar.

Útvarp Saga hefur áður sagt frá tilkynningu George Soros á fjármálaráðstefnunni í Davos í janúar, um að fjárfesta milljarð dollara í heilaþvott gegn sjálfstæðum þjóðum. Soros er mjög í nöp við ríkisstjórn Ungverjalands fyrir að hafa lokað háskóla Soros í landinu.

„Starfshópar Soros skipuleggja fólksinnflutning á öllum Balkanskaganum” sagði Vikto Orbán. Ungverjar vara við nýrri öldu flóttamanna til Evrópu og nýlega efldu Ungverjar herinn við landamærin í suðri. Þeim sem tekst að komast yfir landamærin eru handteknir og dregnir fyrir dómstól sem vísar þeim umsvifalaust úr landi.

Orbán segir engar konur eða börn vera á meðal innflytjenda heldur séu þetta karlmenn „líkamlega hraustir á herskyldualdri og með góðan farangur sem vindurinn feykti varla hingað.

George Soros vill ná stjórnmálalegum áhrifum, hann er mestur allra ólígarka í heimi. Hann fjármagnar einkasamtök sem segjast starfa í friðsamlegum tilgangi og einnig hópa aðgerðasinna sem kaupa stjórnmálamenn og beita mafíubrögðum. Það er hluti vandans að ráðnir stjórnmálamenn sem fá borgað af Soros vilja fólksinnflutning sem Ungverjar eru andsnúnir.”

Viktor Orbán bendir á að fólksinnflutningurinn sé stærsta vandamál Ungverjalands og allrar Evrópu. Samkvæmt forsætisráðherranum vernda Ungverjar Þýskaland frá nýjum flóttamannastraumum en fá einungis „vasapening” fyrir.

Athugasemdir

athugasemdir

Deila