Staðfestir að lyfjafyrirtækin kröfðust þess að Íslenska ríkið tæki á sig bótaskyldu vegna mögulegs skaða af völdum bóluefna

Helga Vala Helgadóttir þingmaður Samfylkingarinnar

Helga Vala Helgadóttir þingmaður Samfylkingarinnar staðfestir að lyfjafyrirtækin hafi krafist þess að Íslensk stjórnvöld tækju á sig alla bótaskyldu vegna mögulegs skaða sem bólefni lyfjafyrirtækjanna gætu valdið. Þetta kom fram í máli Helgu Völu í síðdegisútvarpinu í dag en hún var gestur Arnþrúðar Karlsdóttur.

Aðdragandinn var sá að lögum um Sjúkratryggingar var breytt til þess eins að bótaskylda vegna skaða af bóluefnum myndi færast yfir á íslenska ríkið. Aðspurð um hvers vegna þetta hafi verið gert segir Helga að þetta hafi verið gert vegna þeirra samninga sem gerðir voru við lyfjafyrirtækin og að þeirra kröfu. Þar með hafi lyfjafyrirtækin losað sig undan því að þurfa bera ábyrgð á því ef skaði hlytist af bóluefnunum.

Þá lýsti Helga þeirri miklu leynd sem yfir samningunum hvíli, leynd sem hún segist ekki átta sig á hvers vegna sé til staðar.

við þurftum að mæta í ákveðið herbergi til þess að lesa yfir þessa samninga, við máttum ekki taka myndir og ekki einusinni rita hjá okkur punkta, það mátti ekkert slíkt ” segir Helga.

Hún segir að sumir höfðu ekki kosið að sjá þessa samninga á meðan aðrir vildu skoða þá.

ég kaus að skoða þessa samninga og gerði það

Helga Vala segir það einnig alvarlegt ef sprauta á börn og unglinga með bóluefni sem getur valdið alvarlegum aukaverkunum. Hún segir upplýsingarnar misvísandi, sumir tali um aukaverkanir á meðan aðrir segja aukaverkanir engar, því sé augljóslega lítið vitað um bóluefnin.

en það er verið að rannsaka þetta núna

Hún segist lítið sem ekkert hafa heyrt af lyfinu Ivermectin, sem notað er sem fyrirbyggjandi gegn Covid og hvers vegna það hafi verið sett á bannlista hérlendis og að það hafi aldrei verið rætt um Ivermectin sem valkost að henni vitandi, það séu upplýsingar sem þingmenn hafi ekki fengið og því ekki spurt um.

Hlusta má á þáttinn í spilaranum hér að neðan.

Athugasemdir

athugasemdir

Deila