Fjölmiðlar um allan heim, hafa þagað yfir stærstu frétt heims, þar sem verið er að gera tilraun á heimsvísu með „bólusetningum“ gegn veirunni Covid 19, með notkun líftæknilyfja sem eru mjög frábrugðin þeim bóluefnum sem notuð eru við hefðbundnar bólusetningar eins og fólk þekkir.
Þetta kom fram í máli Arnþrúðar Karlsdóttur útvarpsstjóra í síðdegisútvarpinu í dag þar sem hún fjallaði um mismunandi skoðanir um þær bólusetningar sem nú eru í gangi gegn veirunni. “ Það sem vekur athygli margra eru þeir samningar sem íslensk stjórnvöld gerðu við lyfjafyrirtækin í gegnum ESB í fyrrasumar og hafa ekki verið sýnilegir alþingismönnum, hvað þá að íslenska þjóðin sé upplýst um innihald samninganna.
5 sprautur til viðbótar næstu 30 mánuðina
Í samningi lyfjafyrirtækjanna svo sem Pfizer, Biontech, Moderna og fleiri, kemur fram að þeir tryggja það að þeir verði ekki krafðir um skaðabætur ef afleiðingar bólusetninganna verða alvarlegar fyrir þá sem þær þiggja“ Þá sagði Arnþrúður jafnframt að fólk stæði í þeirri trú að það væri fullbólusett eftir 2 sprautur en staðreyndin væri sú að fólk væri að greinast með smit þrátt fyrir að hafa fengið 2 sprautur.
Forsætisráðherra hafi upplýst fyrir skömmu að búið væri að tryggja að 1,4 milljón skammtar af bóluefnum kæmu til Íslands á árinu 2022 og sagði Arnþrúður að það væri vísbending um að þessari tilraun lyfjafyrirtækjanna væri hvergi lokið. “ Það eru eftir 5 sprautur næstu 30 mánuðina sagði Arnþrúður og vísaði í áhættuáætlun sem fylgir samningi lyfjafyrirtækjanna.
Í sömu skýrslu kemur fram að bólusetningar á börnum eru framundan og Danir hafa nú tilkynnt um að þeir ætli að bólusetja börn niður í 12 ára aldur, á næstunni. “ það er alveg ljóst að skv. áhættustýringunni og þeim aðgerðum sem fyrirhugaðar eru erlendis þá er stefnan sett á bólusetningar á börnum hér á Íslandi. Það er bara spurning hvort það verður fyrir eða eftir kosningar“ sagði Arnþrúður jafnframt.
Arnþrúður sagði í þættinum að samkvæmt opinberum upplýsingum komi fram að tilkynnt hafi verið um 2100 aukaverkanir af völdum bólefna til Lyfjastofnunar og ekki víst að allir hafi tilkynnt um þær aukaverkanir sem þeir hafi orðið fyrir.
Þá vakti Arnþrúður athygli á því að gert sé ráð fyrir í fjárlögum að ríkið þurfi að greiða skaðabætur af völdum bólusetninga en yfir 100 milljónir eru eyrnamerktar slíkum skaðabótum. Lyfjafyrirtækin eru undanþegnir ábyrgð á þeim skaða sem bóluefnin geti valdið og því verði almenningur að sætta sig við að sækja skaðabætur til íslenska ríkisins, bætur sem eru mjög lágar.
Það sé því ljóst að mikið vanti upp á að upplýsingum um bóluefnin og mögulegar aukaverkanir, og að um tilraun sé að ræða sé komið á framfæri við almenning. Þarna er á ferðinni mikil upplýsingaóreiða og heilbrigðisyfirvöld hafa ekki þurft að færa sönnur á margvíslegar yfirlýsingar sínar. Þess vegna munum við fjalla um aðrar hliðar þessa máls.
Hlusta má á þáttinn í spilaranum hér að neðan
