Lögfræðiteymi Bandaríkjaforseta hélt blaðamannafund í gær til að gefa yfirlit yfir stöðu mála varðandi rannsóknir, deilumál og væntanlega kæru um víðtækt kosningasvindl í Bandaríkjunum. Rudy Giuliani fv. borgarstjóri New York, Sidney Powell fv. ríkissaksóknari og Jenna Ellis lögræðingur kosningateymis Trump tóku til máls og svöruðu fyrirspurnum blaðamanna.
Fjöldi kosningasvindla í Philadelphia er svo mikill að fyllir heilt bókasafn
Giuliani hóf máls og lýsti því, hvernig lögfræðingar Trump þyrftu að vinna verk rannsóknarblaðamanna, því stóru fjölmiðlarnir eru margir andsnúnir Bandaríkjaforseta, ritskoða hann og dylja staðreyndir. Lýsti hann því hvernig rannsóknin á mörgum einstökum svindldæmum hefði smám saman leitt til þeirrar heildarmyndar að um stórtækt svindl væri að ræða: „Hér er ekki um einstakt svindl í einstökum ríkjum að ræða heldur hefur sami leikurinn verið endurtekinn í mörgum ríkjum. Við teljum að um skipulagða áætlun um svindl sé að ræða sem sérstaklega er beint að stórum borgum sem stjórnað er af demókrötum, stórborgum með langa spillingarsögu….fjöldi einstakra mála t.d. í Philadelphiu er svo mikill að gögnin gætu hæglega fyllt heilt bókasafn.“
Ekki hægt að kasta mynt 150 þúsund sinnum sem lendir alltaf á sömu hliðinni
Guiliani fór yfir stöðu kosninganna þegar Trump leiddi með góðu forskoti yfir Biden í mörgum ríkjum en Biden síðan á undarlegan hátt tekið risastökk í talningunni sem enginn geti útskýrt. Fundust tugir og hundruðir þúsunda atkvæða skyndilega sem 100% tilheyrðu Biden og sagði Sidney Powell að „reiknimeistarar sæju engan stærðfræðilegan möguleika á slíkri útkomu. Það væri álíka og kasta mynt 150 þúsund sinnum í loftið og hún kæmi alltaf niður á sömu hlið.“ Var atkvæðatalning stöðvuð í sumum ríkjum vegna mikils forskots Trump til að „leiðrétta talningu sem að lokum sýndi sigur Biden.“ Dró Guiliani ótal dæmi um kosningasvindl með ólöglegum póstatkvæðum, hvernig demókratar fengu aðra fyrirgreiðslu t.d. að koma og „laga atkvæðin“ svo þau væru ekki dæmd ógild á meðan repúblikanar nutu ekki sömu réttinda, hvernig búið var að kjósa fyrir tugi þúsunda kjósenda þegar þeir komu á kjörstað til að kjósa, hvernig sumir kjósendur kusu margsinnis á kjörstað, hvernig atkvæði fyrir Biden voru margstimpluð í atkvæðavélunum, eftirlitsmönnum bannað að sinna störfum sínum, starfsmönnum kjörstaða beðnir um að spyrja ekki eftir skilríkjum kjósenda, dagsetningum póstatkvæða breytt eftirá, fjöldi látinna kaus og hvernig allt að 300% miðað við skráða kjósendur á kjörskrá kusu í einstökum kjödæmum.
Lygar fjölmiðla skaðlegri en sjálft kosningasvindlið – lögmenn Trump ofsóttir og hótað lífláti
Giuliani ræddi sérstaklega þátt fjölmiðla sem eru andsnúnir Bandaríkjaforseta og sagði lygar þeirra og tregðu við að upplýsa kjósendur um sannleika málsins vera jafnvel enn meiri skaðvald en sjálft kosningasvindlið. Lýsti hann því hvernig margir af lögmönnum forsetans hefðu fengið lífshótanir, verið ofsóttir og jafnvel þurft að hætta störfum vegna árása á sig og fjölskyldur sínar.
„Höfum sannanir fyrir því að Trump vann Pennsylvaniu með 150 þúsund atkvæða forskoti“
Sidney Powell segir nægar sannanir fyrirliggjandi til að lýsa því yfir að Trump hafi unnið forsetakosningarnar. Telur hún í viðtali við Fox News að Trump hafi fengið nær 80 milljónir atkvæða og að hann hlaut svo fá í talningunni stafi af því að löggiltum atkvæðum hans hafi verið eytt í talningarvélum og einnig flutt yfir til andstæðingsins Biden. Lýsti hún því yfir að kosningavélarnar Dominion væru hannaðar í Venúsuela til að tryggja sigur sósíalista og viðhalda völdum sósíalista, vélarnar framleiddar með þáttöku Kína og fleiri andstæðinga Bandaríkjanna og með forritinu Smartmatic væri hægt að eigin vild að hafa áhrif á kosningaúrslit með því einfaldlega að henda töldum atkvæðum í ruslafötu á skjánum og eyða eða flytja atkvæði milli frambjóðenda að vild. Sagði hún svindlarana vera stöðugt með ný nöfn og nýjar kennitölur fyrirtækja til að dylja svindlslóðina og mikil vinna að fá fram sönnunargöng. Voru atkvæði í forsetakosningunum talin erlendis af fyrirtæki sem sérhæfir sig í kosningasvindli.
Mark Malloch Brown, hægri hönd George Soros, ræður tölvufyrirtækinu sem framleiddi hugbúnaðinn fyrir svindlið
Það kom fram á fundinum að yfirmaður tölvufyrirtækisins Domion hefði komið til kjörstaðar í Bandaríkjunum kosningadag til að útskýra og aðstoða starfsmenn við að framkvæma kosningasvindlið. Virðist sem að ekki hafi verið gert ráð fyrir öllu því forskoti og Trump fékk með algóriþma vélanna, þannig að stöðva varð talningu atkvæða á meðan „skekkjan var lagfærð“ og hundruðum atkvæða stolið fyrir Biden og löggiltum atkvæðum Trump var fargað. Komið hefur í ljós að Mark Malloch Brown lávarður sem stjórnar Smartmatic og framleiðslu svindlhugbúnaðarins er hægri hönd George Soros og fv. formaður fjárfestingasjóðs George Soros (2007) og einnig Open Society og World Economic Forum, fv. aðstoðarforseti Alþjóðabankans (1995-1999), starfsmaður þróunaraðstoðar SÞ, varaforseti SÞ og ráðherra Bretlands fyrir Afríku, Asíu og SÞ (2007-2009). Sagði Sidney Powell að hugbúnaður fyrirtækis Brown hafi verið notaður og hafi m.a. sent atkvæði erlendis „til talningar. Donald Trump vann kosningarnar og við munum ekki láta það viðgangast að hægt sé með svindli að stela úrslitum kjósenda frá Bandaríkjamönnum.“
Fór Giuliani hörðum orðum um George Soros sem væri aðal fjárstuðningsaðili Demókrata, Antifa og Black Lives Matters. Tók hann dæmi að fulltrúar tölvufyrirtækisins hefðu sagt við Antifa að Biden gæti verið rólegur vegna þess að kosningasvindlið myndi heppnast og „Trump væri fu…ed.“ Finnast leiðbeiningar á netinu hvernig fara má inn í hugbúnað talningavélanna, þannig „að jafnvel börn með bílasíma gátu farið inn og flutt atkvæði milli frambjóðenda.“
Rangt af fjölmiðlum að fullyrða að engar sannanir liggi fyrir
Allir mælendurnir beindu þeirri gagnrýni að fjölmiðlum að vera að tönnlast á „að engar sannanir lægju fyrir“ um kosningasvindl. Bentu þau á að sönnunargögn væru til staðar og fjöldi vitna sem sumir hefðu þegar svarið eið og aðrir ættu eftir að sverja eið fyrir vitnisburði sínum í dómstólum. „Það er hlutverk dómstólanna að dæma trúverðugan vitnisburð og sönnunargöng málsins og við getum ekki vegna komandi réttarhalda afhjúpað í smáatriðum vitnisframburði og einstök sönnunargögn á þessum blaðamannafundi.“
Athugasemd: greinin er uppfærð, í upphaflegri grein misritaðist nafn Jennu Ellis lögfræðings kosningabaráttu Trump og hún sögð vera Kayleigh Mcenany blaðafulltrúi Hvíta hússins. Beðist velvirðingar á mistökunum sem leiðrétt eru í uppfærslu 20. nóvember kl 13:44
