Ellilífeyrisstofnun Svíþjóðar (Pensionsmyndigheten) uppfærir árlega útgjöld, fjárlög og efnahagslegar spár vegna lífeyrisgreiðslna til aldraðra. Í nýrri skýrslu stofnunarinnar segir í kaflanum um kórónuveirufaraldurinn að útborganir lífeyris lækki vegna allra sem dáið hafa úr kórónuveirunni.
„Meðal ellilífeyrisþegi á aldrinum 70-89 fær um 152.200 sek kr (um 2,4 milljónir ísk) á ári í tekju- og aukalífeyri…Ef árið 2021 hefst með 2000 færri ellilífeyrisþegum þýðir það að útborgaður lífeyrir fyrir 2021 verður um 306 milljónum krónum lægri þegar tekið er tillit til verðbólgu.”
Fram að þessu hafa um 5.700 manns látist úr veirunni í Svíþjóð sem þýðir að sænska ríkið sparar árlega yfir 800 milljónir sænskra króna (yfir 12 milljarði íslenskra króna) vegna þess að lífeyrisgreiðslur til viðkomandi hætta. Ofan á það má bæta kostnaði við heislugæslu, elliheimili og aðra þjónustu sem ríki og sveitarfélag sleppa við að greiða sem gerir sparnaðinn enn meiri.
Svíar fátækastir Norðurlandabúa
Á árunum eftir seinni heimsstyrjöldina og fram að 1970 höfðu Svíar hæstu lífsvelmegun Norðurlandabúa og æ síðan hafa yfirvöld Svíþjóðar miðlað þeirri mynd og fjölmiðlar speglað. Þessi mynd er sem kunnugt nú orðin víðs fjarri raunveruleikanum en samkvæmt skýrslu Credit Suisse Wealth sem mælir efnahag fólks, þá voru Svíar fjórðu fátækastir í allri Vestur Evrópu 2019. Á Norðurlöndum trónar Ísland en Svíþjóð rekur lestina samkvæmt skýrslunni (sjá mynd neðan).
