Svíar eru búnir að fá upp í kok af öllum glæpaklíkum og ofbeldi sem fylgt hefur hömlu- og eftirlitslausum innflutningi hælisleitenda til landsins undanfarin ár. Meirihluti hefur verið fyrir því meðal Svía í áratugi að stöðva aukningu á og fækka innflytjendum til landsins en stjórnvöld hafa hunsað þann vilja. Þess vegna kemur það engum á óvart að þeim fjölgar í Svíþjóð sem vilja minnka fólksinnflutninginn og fylgi þeirra sem vilja auka á innflutninginn er kominn niður í 8% eftir að hafa verið á milli 20-30% í hálfa öld. Í nýrri skoðanakönnun sem Sifo gerði fyrir Sænska Dagblaðið vilja tæplega 60% Svía fækka innflytjendum en einungis 8% Svía fjölga innflytjendum til landsins (sjá mynd).
Toivo Sjören yfirmaður Sifo segir í viðtali við Sænska Dagbladet að skýringin á aukinni andstöðu Svía við öllum fólksinnflutningunum geti m.a. verið sú að spurningin hafi verið uppi á borðinu hjá innflytjendanefndinni en umræður stjórnmálaflokkanna þar fór út um þúfur í sumar vegna ósættis. Þá eru málefni innflytjenda samofin afstöðunni til laga og reglna sem hefur verið hátt skrifuð af Svíum á undanförnum árum.
Yfirvöld framkvæma stefnu sem gengur þvert gegn vilja meirihluta þjóðarinnar
Þessi afstaða meirihluta Svía stendur í skærri mótsögn við stefnu ríkisstjórnar Svíþjóðar í innflytjendamálum sem allan tímann dylur raunverulegar tölur innflytjenda í opinberum umræðum.